శ్రీశాంత్ కు తల్లిగా శివగామి?

మన తెలుగు ఇండస్ట్రీ గర్వంగా చెప్పుకోదగిన నటుల్లో రమ్యకృష్ణ ప్రధానంగా చెప్పుకోవచ్చుననడంలో అతిశయోక్తి కాదేమో... ఎందుకంటే అటు పవర్ ఫుల్ రోల్స్ లోనూ, ఉదాత్తమైన పాత్రల్లోనూ చక్కగా ఒదిగిపోయే నటి. ఇటు గ్లామర్ పాత్రల్లోనూ మెప్పించగలరు... అమ్మోరుగానూ ఒప్పించగలదు. ఇప్పుడు ఈమె ఓ క్రికెటర్ కు తల్లిగా నటించబోతోందట. తల్లి పాత్రలంటే ఏముంది మామూలే కదా అనుకోవచ్చు... కానీ ఏ ప్రత్యేకతా లేనిదే రమ్యకృష్ణ కూడా ఒప్పుకోదు కదా! క్రికెటర్ శ్రీశాంత్ ఎప్పటినుంచో సినిమాల్లో నటించాలని ఉబలాట పడుతున్నాడు. అది ఇప్పటికి ఓ కొలిక్కి వచ్చిందట. ఆయన హీరోగా నటించే నటీనటుల ఎంపిక జరుగుతోంది. ఇందులో ఓ కీలకమైన పాత్ర హీరో తల్లి. ఇందుకోసం రమ్యకృష్ణని ఎంపిక చేసినట్టు తెలుస్తోంది. దక్షిణాదిలోని నాలుగు భాషల్లోనూ తెరకెక్కనున్న ఈ మూవీలో క్రికెట్ కు సంబంధించిన కథ ఉంటుందంటున్నారు. ఇందులో రమ్యకృష్ణ ను ఎంపిక చేయడానికి గల కారణం శ్రీశాంత్ కు మొదటి క్రికెట్ గురువు తల్లేనట. అందుకే కేరక్టర్ కు రమ్యకృష్ణ ను ఎంపిక చేశారని తెలుస్తోంది. ఈ చిత్రానికి డైరెక్టర్ సానా యాదిరెడ్డి. ఈయన తీసింది తక్కువ సినిమాలే అయినా అన్నీ సక్సెస్ చిత్రాలే. క్రికెట్ కాన్సెప్ట్ తో ఎంచుకున్న ఈ చిత్రాన్ని నాలుగు భాషల్లో విడుదల చేయాలనుకుంటున్న సానా యాదిరెడ్డి ఈ చిత్రంలో శ్రీశాంత్ రియల్ లైఫ్ మ్యాచ్ ఫిక్సింగ్ పాయింట్ తీసుకుంటారా లేదా? అనేది ప్రతి ఒక్కరిలోనూ ఉదయించే ప్రశ్న.