సర్దార్ సెట్లో శంకరాభరణం సందడి

రచయిత కొనవెంకట్ అసాధ్యాన్ని... సాధ్యం చేసి చూపించాడు. ఈ మధ్య తన చిత్రాలకు తప్ప బయటి సినిమాల పంక్షన్ లకు హజరుకానీ పవర్ స్టార్ పవన్ కళ్యాణ్ చేత తన అప్ కమింగ్ మూవీ శంకారభరణం టీజర్ ను లాంఛ్ చేయించాడు. సాధారణంగా యంగ్ టాలెంట్ ను ఎంకరేజ్ చేసే పవన్ ఇంకోవైపు కొనతో ఉన్న సానిహిత్యం కారణంగా అడిగిన వెంటనే ఒప్పుకున్నాడట. ఇక సర్దార్ షూటింగ్ స్పాట్ కి వెళ్లిన చిత్ర బృందం అక్కడ పవన్ చేత ఈ తతంగాన్ని కానించేశారు. కొనవెంకట్ తో మంచి రిలేషన్ షిప్ ఉండటంతో అడిగిన వెంటనే ఒప్పుకున్నాడు పవన్. ఇక ఇందులో హీరోగా నటిస్తున్న నిఖిల్ కూడా పవన్ కళ్యాణ్ పెద్ద ఫ్యాన్. దీంతో తన చిత్ర టీజర్ లాంఛ్ ను అభిమాన హీరో చెయ్యటంతో ఉబ్బి తబ్బిబి అయిపోతున్నాడట. టీజర్ రిలీజ్ చేసిన అనంతరం పవన్ చిత్ర బృందం మొత్తానికి ఆల్ ది బెస్ట్ చెప్పాడట. మరో వైపు పవన్ కి కృతజ్నత తెలుపుతూ ఫోటోను ట్విట్టర్ లో పోస్ట్ చేశాడు కొనవెంకట్.

ఇక 55 సెకన్ల నిడివిగల ట్రైలర్ విషయానికొస్తే... ఫారిన్ లో ఎంజాయ్ చేసే కుర్రాడి క్యారెక్టర్లో మన హీరో నిఖిల్ దర్శనమిస్తాడు. అనుకోని పరిస్థితుల్లో ఇండియాకు, అది కూడా బందిపోటులు ఎక్కువగా ఉండే బీహార్ కి రావటం జరుగుతుంది. ఇక అక్కడ వారి చేతుల్లో హీరో ఎదుర్కునే ఇబ్బందుల నేపథ్యంలో కామెడీని జోడించి తెరకెక్కించినట్లు అర్థమౌతుంది. ఇక చివర్లో నటి అంజలి బందిపోటు రాణిగా చెప్పే డైలాగ్ బావుంది. నందితా రాజ్ హీరోయిన్ గా నటిస్తున్న ఈ చిత్రానికి ఉదయ్ నందనవనం అనే కుర్రాడు దర్శకత్వం వహిస్తున్నాడు.