బుల్లి తెరపై నాగ్ తో నందమూరివారి సందడి

ఎంతో ఆసక్తిగా సాగుతున్న మీలో ఎవరు కోటీశ్వరుడు సీజన్ 2 లో నాగార్జున ఎప్పటిలాగానే సెలెబ్రిటీలను పిలిచి ఆడియన్స్ ను ఆకర్షించే ప్రయత్నం చేస్తున్నారు. కానీ మొదటి సీజన్ కంటే ఇప్పుడు దీనికి రేటింగ్ కాస్త డౌన్ అయ్యిందనే చెప్పాలి. అయినా సరే ఇప్పటికీ దీనిమీద ఒక వర్గం ప్రేక్షకులకు క్రేజ్ బాగానే ఉంది. హోస్ట్ నాగార్జున రేటింగ్ పెంచే ప్రయత్నాలు ఇంకా కొనసాగిస్తూనే ఉన్నారు. ఇంతకు ముందు ఎంఇకె కు రాని సెలబ్రిటీల కోసం ప్రయత్నిస్తూనే ఉన్నాడు. ఈ నేపథ్యంలో తను షూట్ చేసిన సెలబ్రిటీల గురించిన సమాచారాన్ని సీక్రెట్ గా ఉంచడంలోనూ చాలా సక్సెస్ అవుతున్నారు. న్యూ ఇయర్ సందర్భంగా ప్రస్తుతం ఫీల్డ్ లో మంచి సక్సెస్ తారగా వెలిగిపోతున్న సమంతాను గెస్ట్ గా ఆహ్వానించారు. కానీ తను రాబోతున్న విషయం ఒకటి రెండు రోజులకు ముందు వరకూ తెలియనివ్వడం లేదు. అకేషన్లను అనుసరించి కూడా ప్రత్యేకంగా ఓ సెలబ్రిటీని ఆహ్వానించి షోను హైలైట్ చేస్తున్నారు. ఇప్పుడు సంక్రాంతి సందర్భంగా నందమూరి ఫ్యామిలీ మెంబర్ కల్యాణ్ రామ్ తో ఎపిసోడ్ చేశారు. దాని ప్రోమోను ఒక రోజు ముందు మాత్రమే చూపించారు. ఈ ఎపిసోడ్ లో ఒక ప్రశ్నకు జూనియర్ ఎన్టీఆర్ కూడా మాట్లాడించబోతున్నట్టు సమాచారం. ఫ్యామిలీకి సంబంధించిన ఎన్నో ప్రశ్నలు కళ్యాణ్ రామ్ ను అడగడం విశేషం. మరి బాల క్రుష్ణ కు సంబంధించి ఏం అడుగుతారో ఎపిసోడ్ చూస్తేగానీ తెలియదు. ఎందుకంటే పైకి మామూలుగా కనిపించినా, వీరిద్దరూ కాస్త ఎడమొహం పెడమొహంగా ఉంటున్నట్టు ‘మేముసైతం’ ప్రోగ్రాంలో నిరూపితమైంది. మొత్తం మీద నొప్పించక తానొవ్వక అనే పద్ధతిలో వెళ్ళడం నాగార్జునకు బాగా తెలుసు.