బాహుబలి స్పాట్లో పవన్-కాజల్?

అదేంటీ సోషల్ మీడియాలో ఎక్కడా ఫోటోలు దర్శనమివ్వలేదు. కనీసం వారు సెట్ కి వెళ్తున్నట్లుగానీ, వెళ్లబోతున్నట్లు గానీ ఎక్కడా వార్త లేదు. అయినా ఇదేంటీ అనుకుంటున్నారా?  ప్రస్తుతం సర్దార్ గబ్బర్ సింగ్ సినిమా కోసం పవన్ అండ్ కో బిజీబిజీగా గడుపుతుంటే ఇంక బాహుబలి షూటింగ్ కి వెళ్లేందుకు టైం ఎక్కడిది లేండీ. విషయం ఏంటంటే హైదరాబాద్ షెడ్యూల్ ముగిసిన అనంతరం సర్దార్ యూనిట్ సభ్యులు కేరళకి వెళ్లారు. పవన్ తోపాటు హీరోయిన్ కాజల్, మరికొంత మంది ఆర్టిస్టులు అక్కడ షూటింగ్ లో పాల్గొంటున్నారు.

                                     అయితే విశ్వసనీయ సమాచారం ప్రకారం బాహుబలి జలపాతం దగ్గర హీరో, హీరోయిన్ల మధ్య రొమాంటిక్ సన్నివేశాలను తెరకెక్కించేందుకు దర్శకుడు సన్నాహాలు చేస్తున్నాడంట. బాహుబలి తర్వాత బాగా పాపులర్ అయిన ఈ జలపాతం దగ్గర షూటింగ్ జరుపుకోవటం ఆనందంగా ఉందని దర్శకుడు బాబీ సోషల్ మీడియాలో తెలిపాడు. ఇక ఇందులో కాజల్ ఇందులో ఓ రాజవంశీకుల కుటుంబానికి చెందిన యువరాణి పాత్రలో నటించనుందని తెలుస్తోంది. సాధారణ జీవితం గడుపుదామని ఇంటి నుంచి పారిపోయి మన సర్దార్ పంచన చేరుతుందట. అక్కడి నుంచి ఇద్దరి మధ్య ప్రేమ పుడుతుందట. ఇప్పటికే ఫస్ట్ లుక్ రిలీజ్ చేసిన ఈ చిత్ర యూనిట్ త్వరలో హీరోయిన్ ఫస్ట్ లుక్ తోపాటు, ఆడియో తేదీని కూడా ప్రకటించే అవకాశం ఉన్నట్లు తెలుస్తోంది. త్వరగతిన పూర్తిచేసి ఎట్టి పరిస్థితుల్లో ఏప్రిల్ లో  ఈ చిత్రం ప్రేక్షకుల ముందుకు తెచ్చేందుకు పవన్ పగలు, రాత్రి నిర్విరామంగా షూటింగ్ లో పాల్గొంటున్నాడంట.  హ... గదీ అసలు మ్యాటర్!