సంచలన దర్శకుడు శంకర్ దర్శకత్వం లో రోబో 2 సినిమాకు సన్నాహాలు జరుగుతున్న విషయం తెలిసిందే. ఇప్పటికే ఈ సినిమా ప్రీ ప్రొడక్షన్ పనులు శరవేగంగా జరుగుతున్నాయి. ఈ సినిమా కోసం హాలీవుడ్ నుంచి ఓ నటుడిని తీసుకొచ్చే ఆలోచనలో ఉన్నారు. ప్రస్తుతం రజని కాంత్ ‘కబలి’ చిత్రంలో నటించేందుకు సిద్ధమయ్యాడు. ఈ సినిమా రెగ్యులర్ షూటింగ్ వచ్చే నెల 10 నుండి మొదలవుతుందంటున్నారు. రంజిత్ అనే కొత్త దర్శకుడు రజనీకాంత్ ను డైరెక్ట్ చేస్తున్నాడు. ఈ సినిమాను మూడు నెలల్లో పూర్తీ చేయాలనుకుంటున్నారు. ఈ సినిమా తరువాత శంకర్ రోబో 2 లో రజని నటిస్తాడు. జనవరి నుండి ఈ సినిమా రెగ్యులర్ షూటింగ్ మొదలు పెట్టనున్నట్టు తెలుస్తోంది. భారీ బడ్జెట్ సినిమా అంటే ఇప్పుడు బాహుబలి అని చెప్పుకోవాలి. అది రెండు పార్టులు కలిపి 250 కోట్లు అయితే, బాహుబలి సినిమాకు పోటి గా ఈ చిత్రాన్ని చేయాలనీ శంకర్ గట్టి సంకల్పంతో ఉన్నాడు. రోబో 2 చిత్రాన్ని 300 కోట్ల భారి బడ్జెట్ తో తీయాలని అనుకుంటున్నారు. ఇంత బడ్జెట్ తో నిర్మించే ఈ సినిమాకు మరి కలెక్షన్లు ఏ లెవెల్ లో ఉండాలి? ఈ సినిమాకు ప్రపంచ వ్యాప్తంగా 1000 కోట్లు రాబట్టాలనే ఆశయంతో శంకర్ ఉన్నట్టు తెలుస్తోంది.
.jpg)
