షారుక్-కాజోల్ జోడీ ఒకప్పుడు వరుస సినిమాలతో సినీ ప్రియులను తన్మయుల్ని చేసింది. ఈ జంట ఉంటే చాలు సినిమా చూసేంతగా ట్రెండ్ క్రియేట్ చేసింది ఈ హిట్ పెయిర్. ఈ ఇరువురూ నటించిన బాజిగర్, దిల్ వాలే దుల్హనియా లే జాయేంగే, కుచ్ కుచ్ హోతా హై లాంటి ఆల్ టైం హిట్ చిత్రాలు ఇప్పటికీ జనాలు మళ్ళీ మళ్ళీ చూసి ఆనందిస్తున్నారు. ఈ జంట మళ్ళీ ‘మై నేమ్ ఈజ్ ఖాన్' అనే చిత్రంలోనూ జోడీ కట్టారు. తాజాగా మరోసారి కాజోల్ వెండితెరపై షారుక్ కు జోడీగా కనిపించబోతోంది. గత కొంత కాలంగా సినిమాలకు దూరంగా ఉంటున్న కాజోల్ బాలీవుడ్ తాజా మూవీ ‘దిల్ వాలే' చిత్రంలో నటిస్తోంది. రోహిత్ శెట్టి దర్శకత్వంలో తెరకెక్కుతున్న ఈ చిత్రంలో ఆమె షారుక్ కు జోడీగా నటిస్తోంది. తాజాగా ఈ చిత్రానికి సంబంధించిన ఫస్ట్ లుక్ విడుదల చేసారు. షారుక్ ఖాన్ ట్విట్టర్ ద్వారా ఈ ఫోటో షేర్ చేయడంతో పాటు డిసెంబర్ 18న సినిమాను విడుదల చేస్తున్నట్లు ప్రకటించాడు. ఈ సినిమాలో నటిస్తున్నందుకుగాను కాజోల్ కు రూ. 5 కోట్ల రెమ్యూనరేషన్ ఆఫర్ చేసినట్లు గా వార్తలు కూడా వచ్చాయి. ప్రస్తుతం ఫాంలో ఉన్న బాలీవుడ్ టాప్ హీరోయిన్స్ కత్రినా, కరీనా, ప్రియాంక చోప్రా లాంటి వాళ్లకు మాత్రమే ఈ పారితోషికం ఇస్తున్నారట. కానీ వయసు పైబడిన కాజోల్ కు కూడా ఇంత రెమ్యూనరేషన్ చేశారంటే... ఈ జంట కు ఉన్న ఇమేజ్ అలాంటిది. ఈ చిత్రంలో షారుక్-కాజోల్‌తో పాటు వరుణ్ ధావన్ - కృతి సనన్ కూడా నటిస్తున్నారు. ఈ చిత్రాన్ని రోహిత్ శెట్టి-గౌరీ ఖాన్ సంయుక్తంగా నిర్మిస్తున్నారు. క్రిస్ మస్ నాటికి సినిమాను ప్రేక్షకుల ముందుకు తెస్తామని రోహిత్ శెట్టి చెబుతున్నారు.
.jpg)
