హీరో శింబు నటించిన చిత్రాలు రెండు విడుదలకు సిద్ధం కావడంతో ఆయన అభిమానులు ఇప్పుడు తమిళనాట పండుగ చేసుకుంటున్నారట. శింబుకి తమిళనాడులో అభిమానుల సంఖ్య చాలా ఎక్కువగానే ఉందట. చాలా రోజుల తరువాత ఆయన సినిమాలు రెండు రావడం అది కూడా శింబు మాజీ ప్రేయసితో నటిస్తుండడంతో అందరూ చాలా ఉత్కంఠతతో ఎదురు చూస్తున్నారట. అయితే శింబు చిత్రాలు ప్రస్తుతం ‘వాలు’, ‘ఇదు నమ్మ ఆలు’ విడుదలకు సిద్ధమవుతున్నాయి. ఈ రెండు చిత్రాలు కూడా చాలా స్పెషల్ మరియు కోలీవుడ్ గరంగరం సినిమాలు. ‘వాలు’ చిత్రంలో హన్సికతో, ‘ఇదు నమ్మ ఆలు’ చిత్రంలో నయనతారతో కలిసి జోడి కట్టాడు. శింబు, హన్సిక జంటగా నటించిన ‘వాలు’ చిత్రాన్ని మే 9న గ్రాండ్ గా విడుదల చేయనున్నారు. ఇప్పటికే విడుదలైన ట్రైలర్, సాంగ్స్ కు మంచి రెస్పాన్స్ వస్తోంది. అలాగే శింబు, నయనతార కలిసి నటించిన తాజా రొమాంటిక్ చిత్రం ‘ఇదు నమ్మ ఆలు’ కూడా విడుదలకు సిద్ధమవుతోంది. త్వరలోనే ప్రేక్షకుల ముందుకు రానుంది. మరి ఈ రెండు చిత్రాల్లో ఏది ఘనవిజయం సాధించనుందో... ఏ జంటకు ఎక్కువ మార్కులు పడనున్నాయో త్వరలోనే తెలియనుంది.
.jpg)
