కొత్త తారాగణం – సింపుల్ లవ్... పాటలు విడుదల

కార్తీక్, కిరణ్ , నరేష్, అమిత్ రావు, మధులగ్న దాస్ నటీనటులుగా ర‌వి వ‌ర్మ ద‌ర్శ‌క‌త్వంలో తెర‌కెక్కుతున్న చిత్రం ‘సింపుల్ ల‌వ్ స్టోరీ’. కుమార్ సమర్పణ లో గాయత్రీ సినీ క్రియేషన్స్ పతాకం పై కుండలి పాండురంగం, మద్దెల అనిల్ కుమార్ నిర్మిస్తున్నారు. రమేష్. ఎం సంగీతం అందించిన ఆడియో గీతాలు మార్కెట్ లోకి విడుద‌ల‌య్యాయి. ముఖ్య అతిధిగా విచ్చేసిన తెలంగాణ రాష్ర్ట సినిమాటో గ్ర‌ఫీ మంత్రి తలసాని శ్రీనివాస్ యాదవ్ సీడీల‌ను ఆవిష్క‌రించారు. నిర్మాత సి. కళ్యాణ్ తొలి ప్ర‌తిని స్వీక‌రించారు. అనంత‌రం తలసాని శ్రీనివాస్ యాదవ్ మాట్లాడుతూ "చిన్న సినిమాలను ప్రోమోట్ చేయవలసిన అవసరం ఉందనీ, తెలుగు సినిమాల సత్తా ఏంటో ఈ మధ్య వచ్చిన బాహుబలి, శ్రీమంతుడు సినిమాలు నిరూపించాయన్నారు. అలానే చిన్న సినిమాలకు మావంతు సహాయ సహకారాలు అందిస్తామని చెప్పారు. ఈ సినిమా విషయానికి వస్తే పాటలు చాలా బాగున్నాయి. సినిమా విజ‌యం సాధించి నిర్మాత‌ల‌కు మంచి లాభాలు తెచ్చిపెట్టాలి కోరుకుంటున్నానన్నారు. రసమయి బాలకిషన్ మాట్లాడుతూ "తెలంగాణా రాష్ట్రంలో ఇప్పుడిప్పుడే చిన్న సినిమా లు తెర‌కెక్కుతున్నాయి. చిన్న సినిమానా పెద్ద సినిమానా అనేది నిర్ణయించేది బడ్జెట్ కాదు సినిమా చూసే ప్రేక్షకులు. సినిమా విజ‌యం సాధించి టీం అంద‌రికీ మంచి పేరు రావాల‌ని ఆకాంక్షిస్తున్నా అన్నారు. సంగీత దర్శకుడు రమేష్. ఎం మాట్లాడుతూ "నన్ను నమ్మి అవకాశం ఇచ్చిన దర్శక నిర్మాతలకు కృతజ్ఞతలు.  మొత్తం 5 పాటలు ఉన్నాయి. అన్ని పాటలు బాగున్నాయని అందరూ అంటుంటే చాలా సంతోషంగా ఉంది" అన్నారు.. ఇత‌ర పాత్ర‌ల్లో భానుచందర్, ధనరాజ్, శివ రెడ్డి, చంటి, చిట్టి బాబు, అన్నపూర్ణ లు న‌టించారు. ఈ చిత్రానికి కెమెరా:పరంధామ, ఎడిటర్: వి. సత్యం, కొరియోగ్రఫీ: దిలీప్, కళాధర్, ఆర్ కె. కథ- స్క్రీన్ ప్లే- మాటలు-దర్శకత్వం: రవి వర్మ. ఎం.