అబ్బాయిగారి పెళ్ళితో తెలుగు సినిమాలకు ఎంటరైన సిమ్రన్ ప్రముఖ హీరోల సరసన నటించింది. అటు తమిళ చిత్రాల్లోనూ ప్రముఖులందరితోనూ నటించి ఒక దశలో టాప్ హీరోయిన్ గా పేరుపొంది ఆ తరువాత కనిపించకుండా పోయింది. ఇప్పుడు చాలా కాలం తరువాత మళ్ళీ సినిమాలోకి ఎంటరైంది. గతంలో శివరాజ్‌కుమార్‌తో 'సింహదమరి' సినిమాలో నటించింది. తాజాగా 'అలోన్‌' సినిమాలో పోలీసు అధికారి పాత్రను పోషిస్తోంది. ఈ చిత్రం తెలుగు, తమిళంలో విడుదల చేయడానికి సన్నాహాలు చేస్తున్నారు. వారం రోజులుగా ఈ సినిమా షూటింగ్ లో ఏకధాటిగా పాల్గొంది. ముందు ఈ పాత్రకు బాలీవుడ్‌ నటుడు సునీల్‌షెట్టిని అనుకున్నారట. చివరి నిమిషంలో కాల్షీట్ల సమస్య తో సిమ్రాన్‌ను ఎంపిక చేశారు. ఈ చిత్రం షూటింగ్ 15 నుంచి చెన్నైలో వారం రోజుల పాటు చిత్రీకరిస్తారట, అక్కడి బిన్నిమిల్‌ ప్రాంగణంలో ఇందుకోసం ప్రత్యేక సెట్‌ను వేశారట. మంగళూరు తీరంలో ఇంటి సెట్‌ను నిర్మించి షూటింగ్ అక్కడే కొనసాగించారు. ఈ సినిమాలో ఇతర తారాగణం వశిష్ట, నికిషా పటేల్‌, ఇనియా, గణేష్‌, సాధుకోకిలా, తబలా నాని, దిలీప్‌, అవినాశ్‌, సురేష్‌, శాంతమ్మ లు నటించారు.
.jpg)
