కౌలాలంపూర్ లో ‘సైజ్ జీరో’ ఆడియో?

అనుష్క బాహుబలి తరువాత విడుదల కాబోతున్న సినిమా ‘సైజ్ జీరో’. ఈ సినిమా టైటిలే కొత్తగా కనిపిస్తుండడంతో సినిమా కథ ఏమిటో ఊహకందగ జనాలు తికమకపడుతున్నారు. అయితే ఈ సినిమాకోసం అనుష్క చాలా బరువు పెరిగి మళ్ళీ తగ్గిందన్న టాక్ వినిపిస్తోంది. సినిమా పేరులో సైజ్ జీరో అని ఉన్నా సినిమాలో అనుష్క మాత్రం అందుకు పూర్తి వ్యతిరేకంగా బొద్దుగా కనిపిస్తుందట. ‘ఈ సినిమాకు రాఘవేంద్ర రావు తనయుడు ప్రకాష్ కోవెలమూడి దర్శకత్వం వహిస్తున్నాడు. షూటింగ్ మొత్తం పూర్తి చేసుకున్న ఈ సినిమా పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయి. ఈ చిత్ర టీం ఈ సినిమా కోసం ఓ ఆడియో రిలీజ్ డేట్ ని ఫిక్స్ చేశారు. సైజ్ జీరో ఆడియోను సెప్టెంబర్ 6న మలేషియా రాజధాని అయిన కౌలాలాంపూర్ లో రిలీజ్ చేయడానికి సంకల్పించినట్టు తెలుస్తోంది. చాలా అక్కడ సినిమా పాటలను విడుదల చేయడమనేది ఇంతకు ముందు సూపర్ స్టార్ రజినీకాంత్ నటించిన ‘రోబో’ విషయంలో జరిగింది. చిత్ర దర్శకుడు ప్రకాష్ చాలి విభిన్నంగా ఈ ఆడియోను లాంచ్ చేయాలని ఆలోచిస్తున్నారని తెలుస్తోంది. ఇటీవలే రిలీజ్ చేసిన టైటిల్ లోగో పోస్టర్స్ కి మంచి రెస్పాన్స్ వచ్చింది. ఆగష్టు 15న ఈ సినిమా ఫస్ట్ లుక్ ని లాంచ్ చేయనున్నారు.
పివిపి సినిమాస్ బ్యానర్ లో పరమ్ వి పొట్లూరి నిర్మించిన ఈ రొమాంటిక్ ఎంటర్టైనర్లో ఆర్య, సోనాల్ చౌహాన్, భరత్, ఊర్వసి ప్రధాన పాత్రలు పోషిస్తున్నారు. ఎంఎం కీరవాణి మ్యూజిక్ అందించిన ఈ మూవీకి ప్రకాష్ కోవెలమూడి భార్య అయిన కనిన ధిల్లన్ కథ – స్క్రీన్ ప్లే అందించారు.