కరణ్ సినిమాలో సన్నీలియోన్!

సన్నీ లియోన్ పేరు తెలియని యూత్ ఇప్పుడు లేరంటే అతిశయోక్తి కాదేమో... గూగుల్ సర్చ్ లో టాప్ లో నిలిచిన ఈ అమ్మడు ఇప్పటి వరకూ బాలీవుడ్ బి గ్రేడ్ సినిమాల్లో మాత్రమే నటించింది. అదేమిటో ఈమెను ఒక పక్క తిడుతూనే... మరో పక్క పైకి లేపుతున్నారు. మెచ్చటం అంతర్గతం, దుయ్యబట్టడం బహిర్గతం అనుకోవాల్సి వస్తోంది. కొందరు హీరోలు ఈమెతో నటించాలంటే తెగ భయపడిపోయారు. కానీ నెమ్మదిగా టాప్ నిర్మాతలు, టాప్ హీరోలు ఈమెను దరిచేరనిస్తున్నారు. గూగుల్ లాంటి సంస్థలు ప్రకటించిన జాబితాల్లో ఆమె పేరు టాప్ లో ఉండడంతో ఆమెను సినిమాల్లో తీసుకోవడం ప్లస్సవుతుందని పలువురు ఫిల్మ్ మేకర్స్ భావిస్తున్నారు. ఇప్పుడు ఈమె సింగ్ ఈస్ బ్లింగ్ లో నటిస్తుండగా కొత్తగా కరన్ జోహార్ ‘యే దిల్ హై ముష్కిల్' లో ఓ పాత్ర కోసం తీసుకున్నారట.  ఆమె నటించిన ‘మస్తీజాదే' సెన్సార్ వారి ఆమోదం పొందాల్సి ఉంది. ఇందులో ఆమె తుషార్ కపూర్ కు జోడీగా నటిస్తోంది. మిలప్ జవేరి ఈ సినిమాకు దర్శకత్వం వహించారు. అక్షయ్ కుమార్ మూవీ ‘సింగ్ ఈజ్ బ్లింగ్'.... కరణ్ జోహార్ దర్శకత్వంలో రాబోతున్న ‘యే దిల్ హై ముష్కిల్' సినిమాలు సక్సెస్ అయితే ఈమెకు బాలీవుడ్ లో తిరుగులేకుండా పోతుంది.
యే దిల్ హై ముష్కిల్ సినిమా 1977లో విడుదలైన ‘దూస్రా ఆద్మీ' చిత్రానికి రీమేక్ గా తీస్తున్నారు.  ఐశ్వర్యరాయ్, రణబీర్ కపూర్, అనుష్క శర్మ నటిస్తున్న ఈ సినిమా వచ్చే యేడాది రిలీజ్ చేయాలనుకుంటున్నారు.