అక్షయ్ సినిమాలో సన్నీకి ఛాన్స్

నీలి చిత్రాల్లో నటించిన ఈ తార, తను అలాంటి చిత్రాల్లో నటించానని పబ్లిక్ గా చెప్పుకొని ఇప్పుడు బాలీవుడ్ లో తిష్ట వేసుకుంది. అమ్మడికి ఏవో ఛాన్స్ లు వస్తున్నాయి గానీ, పెద్ద స్టార్ల పక్కన నటించే అవకాశం అయితే ఇవ్వడం లేదు. సోషల్ నెట్ వర్క్ లో అమ్మడిని చూడ్డానికైతే ఎగబడుతున్నారు గానీ, తన కెరీర్ ముద్ర మాత్రం అంత ఈజీగా చెరిగిపోవడం లేదు. పెద్ద హీరోలతో నటించాలన్న కోరిక అక్షయ్ కుమార్ సినిమాతో తీరిపోతోంది సన్నీలియోన్ కు. ప్రస్తుతం స్పిట్స్ విల్లా అనే టీవీ సిరీస్ లో నటిస్తున్న సన్నీలియోన్... షూటింగ్ నిమిత్తం గోవా వెళ్ళింది. అక్కడే అక్షయ్ కుమార్ లేటెస్ట్ మూవీ సింగ్ ఈజ్ బ్లింగ్ షూటింగ్ జరుగుతోంది. ఈ సినిమాలో స్పెషల్ అప్పీయరెన్స్ కోసం.. ఓ సెక్సీ ఫిగర్ అవసరమైందట. ఎలాగూ సన్నీ గోవాలోనే ఉందిగా అని.. సింగ్ ఈజ్ బ్లింగ్ యూనిట్.. ఈ అమ్మడికి కబురంపారట. నిజానికి టీవీ సిరీస్ షూటింగ్ కోసం బిజీగా ఉన్నప్పటికీ.. అక్షయ్ వంటి స్టార్ హీరో సినిమాలో ఛాన్స్ రావడంతో.. తన కాల్షీట్స్ అడ్జస్ట్ చేసుకుని మరీ.. అంగీకరించిందట. నిజానికి ఈ సినిమాలో సన్నీలియోన్ నటించిందన్న విషయాన్ని సర్ప్రైజింగ్ గా ఉంచుదామనుకున్నారు. కానీ.. అక్కీ చిత్రంలో నటించిన విషయాన్ని సన్నీలియోన్... ట్విట్టర్ ద్వారా రివీల్ చేసి.. తన సంతోషాన్ని అభిమానులతో షేర్ చేసుకుంది.