తెలుగు సినీ పరిశ్రమ దిగ్బ్రాంతికి గురయ్యే విషయం. ప్రముఖ టాలీవుడ్ నటి ఆర్తి అగర్వాల్ హఠాన్మరణం చెందారు. అమెరికాలోని న్యూజెర్సీలో ఆమె శనివారం కన్నుమూశారు. తెలుగునాట అగ్రహీరోలందరి సరసన నటించిన ఆర్తి అగర్వాల్ కొద్ది కాలంలోనే టాప్ హీరోయిన్ గా ఎదిగింది. అయితే ఎంత త్వరగా టాప్ హీరోయిన్ గా ఎదిగిందో అంతే త్వరగా ఆమె తెలుగు తెరకు కనిపించకుండా తెరమరుగైపోయింది. హీరోయిన్ గా ఆఫర్లు తగ్గాక ఆమె హఠాత్తుగా లావయిపోయారు. దీంతో స్థూల కాయం, శ్వాస సంబంధిత సమస్యలు ఎదుర్కొంటున్న ఆర్తీ ఆగర్వాల్ న్యూజెర్సీలోని ఓ ప్రముఖ ఆస్పత్రిలో లైపోసెక్షన్ చేయించుకుంది. అది వికటించడంతో ఆమె గుండెపోటుతో చనిపోయినట్లు తెలుస్తోంది. ఐదేళ్ల పాటు సినీ రంగంలోకి అగ్రపథాన పయనించిన ఆర్తీ, తదనంతర కాలంలో అవకాశాల్లేక డిప్రెషన్ లోకి వెళ్లిపోయింది. సినిమాలు లేకపోవటంతో పెళ్లి చేసుకుని అమెరికా వెళ్లిపోయిన ఆర్తీ ఇప్పుడిలా ప్రపంచానికే శాశ్వతంగా దూరమైపోయింది. ఆమె మృతిపట్ల నీహార్ ఆన్ లైన్ నివాళులర్పిస్తుంది.
.jpg)
