ఉదయనిధి స్టాలిన్‌, నయనతార జంటగా తమిళంలో హిట్టైన ‘ఇదు కతిర్వేలన్ కాదల్’ చిత్రాన్ని తెలుగులో శీనుగాడి లవ్ స్టోరీ పేరుతో డబ్ చేసి రిలీజ్ చేస్తున్న విషయం తెలిసిందే. కాగా, ఈ చిత్రానికి తాజాగా సెన్సార్ పూర్తయి ‘క్లీన్ యు’ సర్టిఫికెట్ లభించింది. ఉదయనిధి స్టాలిన్‌ సమర్పణలో ఈ చిత్రాన్ని భీమవరం టాకీస్‌ పతాకంపై తుమ్మలపల్లి రామసత్యనారాయణ నిర్మిస్తున్నారు. సెన్సార్ సహా అన్ని కార్యక్రమాలు పూర్తి చేసుకొన్న ‘శీనుగాడి లవ్‌స్టోరి’ చిత్రాన్ని జూన్‌ 12న విడుదల చేసేందుకు సన్నాహాలు చేస్తున్నామని నిర్మాత రామసత్యనారాయణ తెలిపారు. నయనతార గ్లామర్, సంతానం కామెడి, ఉదయనిధి స్టాలిన్‌ నటన మరియు నిర్మాణ విలువలు ‘శీనుగాడి లవ్‌స్టోరి’ చిత్రానికి ఆయువుపట్టుగా నిలుస్తాయని ఆయన పేర్కొన్నారు. క్లీన్ ఫ్యామిలీ ఎంటర్‌టైనర్‌గా రూపొంది తమిళంలో ఘన విజయం సాధించిన ఈ చిత్రానికి తెలుగులో ‘క్లీన్ యు’ సర్టిఫికెట్ లభించడం ఇక్కడ కూడా ఈ చిత్రం సాధించబోయే సంచలన విజయానికి సంకేతమంటూ రామసత్యనారాయణ సంతోషం వ్యక్తం చేసారు. వనమాలి సాహిత్యం అందించగా, హేరిస్‌ జైరాజ్‌ అందించిన ఈ ఆడియో ఇటీవలె విడుదలై ప్రేక్షకుల నుంచి మంచి ఆదరణ పొందుతుంది.
.jpg)
