మన తెలుగు డైరెక్టర్లలో గ్యారంటీ డైరెక్టర్ల లిస్టులో వి.వినాయక్ చేరిపోతారు... అందులో కమర్షియల్ డైరెక్టర్ కూడా కావడంతో ఇప్పుడు వారసులను ఈయనచేతిలో పెట్టాలన్న ఆలోచనలో ఉన్నారట అందరూ... రాజకీయ వారసులు వస్తున్నట్టే ఇప్పుడు నట వారసులు కూడా దిగిపోతున్నారు. సెంటిమెంటల్ గా మొదటి సినిమా హిట్ అవ్వాలని కోరుకుంటారెవరైనా? అందులో భవిష్యత్తు లో పెద్ద స్టార్ ల లైన్ లో నిలబెట్టాలంటే కమర్షియల్ ఎలిమెంట్స్ ఉన్న సినిమాతో తమ వారసులను పరిశ్రమకు పరిచయం చేయాలి. సినిమాకు బిజినెస్ బాగా అవుతుందన్న గ్యారెంటీ కూడా ఈ డైరెక్టర్ వల్లనే అవుతుంది. తెలివైన వాళ్లంతా తమ పుత్ర రత్నాల్ని వివినాయక్ చేతిలో పెడుతున్నారు. బెల్లంకొండ సురేష్ తనయుడు బెల్లంకొండ సాయిశ్రీనివాస్ ని ఓవర్ నైట్ స్టార్ హీరోని చేసేశాడు. ఓ డెబ్యూ హీరోకి మూడు నాలుగు కోట్ల బిజినెస్ పూర్తవ్వడమే కష్టం అనుకుంటే వినాయక్ ని చూసి దాదాపు 25 కోట్లకు పైగా బిజినెస్ చేశారు. వసూళ్లు కూడా ఆ రేంజులోనే దక్కాయి. అల్లుడు శీను విజయం చూశాక నాగార్జున కూడా అంతకు ముందు ఆలోచనలు పక్కకు పెట్టి అఖిల్ ని ఆయన చేతిలోనే పెట్టాడు. ఇప్పుడు అఖిల్ టీజర్ కు, పోస్టర్లకు వస్తున్న స్పందన చూస్తే ఈ సినిమా తప్పకుండా హిట్ అవుతుందనుకుంటున్నారంతా. ఇక ఈ సినిమా హిట్ అయితే తరువాత రాబోయే నటవారసులు కూడా వినాయక్ వెంట పడ్డం ఖాయం. ప్రస్తుతం లైన్ లో ఉన్న వారసుడు బాలకృష్ణ తనయుడు మోక్షజ్ఞ. ఇక ఈ నందమూరి కుర్రాడిని కూడా వివినాయక్ చేతిలో పెట్టాలనుకుంటున్నట్టు వార్తలు వినిపిస్తున్నాయి. అంతే కాదు వినాయక్ మోక్షజ్ఞ కోసం కథ కూడా రెడీ చేస్తున్నట్టు అనుకుంటున్నారు. ఈ వార్త ఎంత వరకూ నిజమనేది కాలమే చెప్పాలి. ఇటీవల వినాయక్ మహేష్ తో ఓ సినిమాకు రెడీ అవుతున్నట్టు కూడా వార్తలు వచ్చాయి.
ఏ వార్తయినా అఫీషియల్ గా కన్ఫం చేసే వారకూ వెయిట్ చేయాల్సిందే మరి.
.jpg)
