చిరంజీవి 150వ చిత్రం కోసం వేచి చూసి చూసి అభిమానులు ఢీలా పడిపోతున్నారు. పూరీ జగన్నాథ్ మ్యాటర్ అయిపోయాక మరో పవర్ ఫుల్ డైరక్టర్ వీవీ వినాయక్ తో కత్తి రీమేక్ ఉంటుందన్న వార్తతో ఫ్యాన్స్ హ్యాపీ గా ఫీలయ్యారు. ఎనిమిదేళ్ల తర్వాత మెగా సందడి ఖాయమని అంతా అనుకున్నారు. అయితే అది కూడా తుస్సేనని వార్తలు వస్తున్నాయి. రీమేక్ కన్నా స్ట్రెయిట్ కథతోనే రావాలని వినాయక్ కు చిరు, చరణ్ సూచించారట. దీంతో పెదనాన్న చిరంజీవి చేయాలనుకున్న చిత్రాన్ని తాను చేయడానికి ఆసక్తి చూపుతున్నాడు మెగా వారసుడు వరుణ్ తేజ్.
విజయ్ హీరోగా వచ్చిన కత్తి చిత్రం తమిళంలో వంద కోట్లు కొల్లగొట్టింది. పక్కా మాస్ ఎంటర్ టైనర్ గా తెరకెక్కిన ఈ చిత్రం చిరుతో తీయాలని వినాయక్ తీవ్రంగా ప్రయత్నించాడు. అయితే యూత్ సబ్జెక్ట్ అయిన కత్తిని చిరుతో తీస్తే చూడటానికి కూడా ఎబ్బెట్టుగా ఉండటంతోపాటు, రీమేక్ అనే ఓ నెగటివ్ ఫీడ్ బ్యాక్ కూడా రావటంతో ఆ ప్రయత్నం విరమించుకోవాలని రాంచరణ్ భావించాడట. దీంతో ఇప్పుడు ఈ సబ్జెక్టుపై నాగబాబు కన్నేసినట్టు తాజా సమాచారం.
కంచె తో ఫుల్ ఫామ్ లో ఉన్న వరుణ్ తేజ్ అభినయానికి ఆస్కారమున్న 'కత్తి' చిత్రాన్ని చేయిస్తే మరింత ఫ్లస్ అయ్యే అవకాశం ఉందని నాగబాబు భావిస్తున్నాడట. ఈ నేపథ్యంలో అప్పుడే ఆయన ఆ సబ్జెక్టుకు కర్చీఫ్ కూడా వేసినట్టు చెబుతున్నారు. ఒకవేళ చిరు చెయ్యకపోతే అదే సబ్జెక్టును వరుణ్ తో చేయాలని వినాయక్ కోరాడని తెలుస్తోంది.
.jpg)
