నాగాన్వేష్‌, కృతిక హీరో హీరోయిన్లుగా సరస్వతి ఫిలింస్‌ బ్యానర్‌పై రూపొందుతోన్న చిత్రం ‘వినవయ్యా రామయ్యా’. జి.రామ్‌ప్రసాద్‌ దర్శకత్వంలో సింధూరపువ్వు కృష్ణారెడ్డి ఈ చిత్రాన్ని నిర్మిస్తున్నారు. అవుటండ్‌ అవుట్‌ లవ్‌ అండ్‌ ఫ్యామిలీ ఎంటర్‌టైనర్‌గా రూపొందుతోన్న ఈ చిత్ర ఆడియో విడుదల కార్యక్రమాన్ని ఈ నెల 23న హైదరాబాద్‌లోని శిల్పకళావేదికలో నిర్వహించనున్నారు. ఈ సందర్భంగా ....
చిత్ర నిర్మాత సింధూరపువ్వు కృష్ణారెడ్డి మాట్లాడుతూ ‘‘ఇదొక లవ్‌ అండ్‌ ఫ్యామిలీ ఎంటర్‌టైనర్‌. నాగాన్వేష్‌ తొలి చిత్రమైనా చక్కగా నటించాడు. ఈ ఏడాది బెస్ట్‌ మూవీస్‌ లిస్టులో ఈ సినిమా కూడా ఉంటుంది. అంత మంచి కథ కుదిరింది. ఇటీవల విడుదల చేసిన టీజర్‌కి మంచి రెస్పాన్స్‌ వచ్చింది. అనూప్‌ ఈ సినిమాకి చక్కని సంగీతం, బ్యాగ్రౌండ్‌స్కోర్‌ అందించారు. ఈ నెల 23న సినీ, రాజకీయ ప్రముఖుల సమక్షంలో హైదరాబాద్‌లోని శిల్పకళావేదికలో చిత్ర ఆడియో విడుదల అవుతుంది. సినిమాని త్వరలో పూర్తి చేసి వీలైనంత త్వరగా విడుదల చేస్తాం’’ అన్నారు.
ప్రకాష్‌ రాజ్, బ్రహ్మానందం, అలీ, చలపతిరావు, తులసి, సప్తగిరి, చరణ్‌దీప్‌, రమాప్రభ, రామరాజు తదితరులు ఇతర తారాగణం. ఈ చిత్రానికి ఫైట్స్‌: జాషువా, డ్యాన్స్‌: శివశంకర్‌, స్వర్ణ, రఘు, జానీ, పాటలు: రామజోగయ్య శాస్త్రి, భాస్కరభట్ల, అనంత్‌ శ్రీరామ్‌, విశ్వ, మాటలు: వీరబాబు బాసిన, అనిల్‌ మల్లెల, రచన: సింధూరపువ్వు కృష్ణారెడ్డి, ఆర్ట్‌: ఎమ్‌.కిరణ్‌కుమార్‌, ఎడిటింగ్‌: ప్రవీణ్‌ పూడి, సంగీతం: అనూప్‌,సినిమాటోగ్రఫీ: రసూల్‌ ఎల్లోర్‌, ఎగ్జిక్యూటివ్‌ నిర్మాత: కడప గోపి, నిర్మాత: సింధూర పువ్వు కృష్ణారెడ్డి, దర్శకత్వం: జి.రామ్‌ప్రసాద్‌.
.jpg)
