డైనమైట్ ప్రచారానికి రంగం సిద్ధం

ఇప్పుడు సినిమాలు కష్టపడి తీయడం ఒక ఎత్తయితే, దాన్ని సరిగ్గా ప్రజల్లోకి తీసుకు వెళ్ళడం ఒక ఎత్తవుతోంది. ప్రమోషన్ వర్క్ సరిగా చేయకపోతే... సినిమాలు బాగున్నా బాక్సాఫీస్ కలెక్షన్ల వద్ద చతికిలబడి పోతున్నాయి. అందుకే సినిమా రిలీజ్ కు ముందు, తరువాత కూడా చాలా ప్రమోషనల్ వర్క్ చేయాల్సి వస్తోంది. ఈ విధంగా సినిమా బృందం మొత్తం చాలా కష్టపడక తప్పడం లేదు. ఇప్పుడు మంచు వారబ్బాయి హీరో విష్ణు ఓ యాక్షన్ థ్రిల్లర్ ‘డైనమైట్’ తీసి దీని ప్రమోషనల్ వర్క్ కోసం రంగం సిద్ధం చేసుకున్నాడు. అన్ని పోస్ట్ ప్రొడక్షన్ కార్యక్రమాలను పూర్తి చేసుకున్న ఈ సినిమా సెప్టెంబర్ 4న వరల్డ్ వైడ్ గా రిలీజ్ కావడానికి సిద్దమవుతోంది.  మంచు విష్ణు సరికొత్తగా సినిమాని ప్రమోట్ చెయ్యడానికి ప్లాన్ చేస్తున్నాడు. అందులో భాగంగానే సినిమా సక్సెస్ అయిన తర్వాత అందరూ సక్సెస్ టూర్ చేస్తారు. కానీ మంచు విష్ణు ఈ సినిమాని అందరికీ రీచ్ కావడం కోసం ముందే ఓ ప్రమోషనల్ టూర్ ని సిద్దం చేసారు. ఈ ప్రమోషనల్ టూర్ ఆగష్టు 28 నుంచి మొదలు కానుంది. రాజమండ్రి నుంచి మొదలు కానున్న ఈ ప్రమోషనల్ టూర్ ఆంధ్ర మరియు రాయలసీమలోని అన్ని ప్రాంతాలకు వెళ్లనుంది. ఈ టూర్ లో ఈ సినిమా మెయిన్ టీం మొత్తం పాల్గొననుంది. విభిన్న చిత్రాల దర్శకుడు దేవకట్టా ఈ సినిమాకి దర్శకత్వం వహించాడు. ప్రణిత హీరోయిన్ గా నటించిన ఈ సినిమాని మంచు విష్ణు 24 ఫ్రేమ్స్ ఫ్యాక్టరీ పై నిర్మించారు. ఇందులో హీరోయిన్ ప్రణీత కూడా ఫైట్ సీన్లలో అదరగొట్టిందని సినిమా టీం తెలుపుతోంది.