వరుసగా లవ్ ఎంటర్టైనర్స్ తో తెలుగు ప్రేక్షకులను ముఖ్యంగా అమ్మాయిల మనసు మెప్పించిన యంగ్ హీరో నాగ శౌర్య. ఈ మధ్యే విడుదలైన మాస్ ఎంటర్టైనర్ ‘జాదూగాడు’లో మాస్ మషాలా ఎంత దట్టించినా ప్రేక్షకులకు రీచ్ కాలేకపోయింది. ఈ అబ్బాయికి ప్రేమ కథలే అచ్చొచ్చినట్టున్నాయి. మళ్ళీ ఇతగాడికి రెండు ప్రేమకథలు రెడీ అయిపోయాయి. నాగ శౌర్య ఇప్పుడు ఆ సినిమాలో బిజీ గా ఉన్నాడు. అందులో ముందుగా నందిని రెడ్డి డైరెక్షన్ లో చేస్తున్న కళ్యాణ వైభోగమే సినిమా చివరి దశకు చేరుకుంది. ఇప్పటికే 80% పైగా షూటింగ్ పూర్తైన ఈ సినిమాని శ్రీ రంజిత్ మూవీస్ బ్యానర్ పై దామోదర ప్రసాద్ నిర్మిస్తున్నాడు. మాళవిక నాయర్ హీరోయిన్ గా కనిపించననున్న ఈ పర్ఫెక్ట్ లవ్ అండ్ ఫ్యామిలీ ఎంటర్టైనర్ త్వరలోనే ప్రేక్షకుల ముందుకు రానుంది. ఇది కాకుండా నాగ శౌర్య రమేష్ వర్మ డైరెక్షన్ లో ఓ సినిమా చేస్తున్నాడు. శరవేగంగా షూటింగ్ జరుగుతున్నా ఈ సినిమా టాకీ పార్ట్ కూడా 70% పూర్తి కావచ్చింది. నాగ శౌర్య ఈ రెండు సినిమాల షూటింగ్ లో కంటిన్యూగా బిజీ గా ఉన్నాడు. కొద్ది రోజులు నందిని రెడ్డి సినిమా కొద్ది రోజులు రమేష్ వర్మ సినిమా అస్సలు గ్యాప్ లేకుండా బిజీబిజీగా ఉన్నాడు. రమేష్ వర్మ సినిమాకి మాస్ట్రో ఇళయరాజా సంగీతం అందిస్తుంటే శ్యాం కె నాయుడు సినిమాటోగ్రఫీ అందిస్తున్నాడు. ఈ రెండు సినిమాలు ఈ ఏడాదిలోనే ప్రేక్షకులను అలరించనున్నాయి.
.jpg)
