కృష్ణవేణి టాలెంటు స్కూల్లో పదకొండు, అక్షరాల 11 సంవత్సరాల తనిష్కయాదవ్ ని చదువుకోమని అమ్మ, నాన్న పంపించేరు. అదే బడిలో చదువు చెప్పమని సంస్థ యాజమాన్యం నెలనెలా జీత భత్యాలు, తదితర సౌకర్యాలు ఏర్పాటుచేశారు. ఇవన్నీ సాధారణం రీతిలో మసులుతూ, మానసిక ఆరోగ్యం కుదురుగా ఉండే ఆ గురువుచేతిలో సర్వేపల్లి రాధా గార్ల వంటి ఉద్ధండులు తయారవుతారు అని భావించవచ్చు.
తనిష్కుడికి సహాధ్యాయితో అంతర్జాతీయస్థాయిలో పేచీ సంభవించింది. దానికి మూలకారణంగా ఉపయోగపడిన అణుబాంబు కేవలం ఒక సుద్దముక్క. ఇది మహామహోపాధ్యాయ టీచర్, సుధీరుడనే చండమార్కడు గురు బ్రహ్మ గమనించి కలుగజేసుకున్నాడు. శ్రీసుధీరు మాస్టారు తన శక్తి మేరకు బలమంత ప్రయోగించి తనిష్కుని ముందు పళ్లు ఊడేలా కొట్టడమేగాక, అంతటితో సంతృప్తి లభించక వెన్నుపూస విరగదీశాడు. ప్రస్తుతం ఆ అర్భకుడు సృహలేకుండా హాస్పటల్ లో పడిఉన్నాడు.
పదకొండేళ్ల పసికూనపై ఇంతస్థాయిలో దౌర్జన్యం అఘాయిత్యానికి పూనుకున్న సుధీరు మాస్టారికి బలమైన ఏదో కారణం ఉండి తీరాలి. తీరాలి మరి. ఈ కుర్రకుంక మాస్టారి ఆడకుటుంబ సభ్యులతో అసభ్యంగా ప్రవర్తించి ఉండవలెను. లేక మాస్టారి ప్రేయసికి కన్ను కొట్టి ‘ఇందిరాపార్కుకి దారేది’ అని అడిగి ఉండవలెను. ఇంకే కారణమున్నప్పటికీ అయిననూ, శ్రీటీచరు గార్ని చెప్పుచ్చుకుని కొట్టవలెను. అలా అయితే ఊడిన పళ్లు తిరిగి మొలుచునా? వెన్నెముకకు గత వైభవం ప్రాప్తించి తనిష్కుడు పిల్లాపాపలతో వర్థిలున్నా? ఓరి దౌర్భాగ్యుడా సుధీరూ!
.jpg)
