‘10 ఎన్రాదుకుల్ల’ ఫస్ట్ లుక్ రిలీజ్

బంగారు కుటుంబం, తొమ్మిది నెలలు, చిరునవ్వుల వరమిస్తావా? , ఆడాళ్ళా మజాకా? అక్కా బావున్నావా?... ఈ సినిమాలన్నీ విన్నట్టుగా కూడా లేవు కదా....? ఒక్క బంగారు కుటుంబం తప్ప మిగిలిన సినిమాలన్నీ డిజాస్టర్సే.... ఇంతకూ ఈ సినిమాల గురించి ఇప్పుడెందుకు గుర్తు చేసుకోవాల్సి వచ్చిందంటే ఈ సినిమాలన్నీ విక్రమ్ నటించినవి... చాన్నాళ్ళు కష్టపడ్డాక గానీ తను ఓ స్టార్ హీరో కాలేకపోయాడు. తమిళంలో నటించిన ’శేషు’ తరువాత ఇక తిరుగులేని హీరోగా ఎదిగాడు. అక్కడ హిట్ తరువాత ఇక మళ్ళీ టాలీవుడ్ వంక చూడలేదు. ఈ హీరో తమిళంలో సక్సెస్ అయినా, తెలుగు అభిమానులు చాలా ఎక్కువ. ఈ రోజు విక్రమ్ పుట్టినరోజు. (ఏప్రిల్ 17) ఆయనకు పుట్టిన రోజు శుభాకాంక్షలు అంద చేస్తోంది తెలుగు.నీహార్ ఆన్ లైన్.కామ్.

విక్రమ్ హీరోగా నటిస్తున్న తాజా తమిళ చిత్రం ‘10 ఎన్రాదుకుల్ల’. విజయ్ మిల్టన్ దర్శకత్వంలో తెరకెక్కుతోంది. ఈ చిత్రంలో విక్రమ్ సరసన సమంత హీరోయిన్ గా నటిస్తోంది. ఇందులో సమంత మోడ్రన్ అమ్మాయిగా, నేపాలీ విలేజ్ అమ్మాయిగా రెండు విభిన్న పాత్రల్లో చేస్తోంది. అయితే విక్రమ్ పుట్టినరోజు సంధర్భంగా ఈ చిత్రంలోని విక్రమ్ ఫస్ట్ లుక్ పోస్టర్ ను విడుదల చేసారు. ఇందులో విక్రమ్ చాలా స్టైలిష్ గా, యూత్ గా కనిపిస్తున్నాడు. ప్రస్తుతం ఈ చిత్ర షూటింగ్ శరవేగంగా జరుగుతోంది. డి. ఇమాన్ సంగీతం అందిస్తున్నాడు. జాకీష్రాఫ్ మరియు ఛార్మింగ్ గర్ల్ ఛార్మి ఓ ఐటెం సాంగులో చిందేయనున్నారు. మురుగదాస్ నిర్మిస్తున్న ఈ చిత్రాన్ని తెలుగు, తమిళ భాషల్లో ప్రపంచ వ్యాప్తంగా మే నెలలో విడుదల చేయనున్నారు.