ముద్దుగా బాపు బొమ్మలా ఉండే ప్రణీతకు ఎందుకనో సెకండ్ హీరోయిన్ ఛాన్సులే వస్తున్నాయి. అయితే ఇప్పుడు ఓ సినిమాలో హీరోయిన్ గా మన ముందుకు రావడానికి సిద్ధమవుతోంది. ప్రస్తుతం మహేష్ తో కలిసి బ్రహ్మోత్సవం సినిమాలో సమంత, కాజల్ అగర్వాల్ ఈమె ఒక హీరోయిన్ గా నటిస్తోంది. ఐదేళ్ళ క్రితం 'ఎం పిల్లో ఏం పిల్లడో' మూవీతో అరంగేట్రం చేసినా, ఆ తరువాత కార్తి 'శకుని' సినిమాలో హీరోయిన్ ఛాన్స్ వచ్చింది. అది తమిళ అనువాద చిత్రం. తెలుగులో హీరోయిన్ గా చేసిన సినిమాలు చాలా తక్కువ.
ఇప్పుడు మళ్ళీ ఓ ఫుల్ లెంగ్త్ సినిమాలో హీరోయిన్ గా నటించే ఛాన్సు కొట్టేసింది ప్రణీత. వీరభద్రమ్ చౌదరి దర్శకత్వంలో ఆది హీరోగా 'చుట్టాలబ్బాయ్' అనే సినిమాలో నటిస్తున్న విషయం తెలిసిందే. ఇందులో హీరోయిన్ గా ప్రణీతను ఎంపిక చేసినట్లు తెలిసింది. ఫ్యామిలీ ఎంటర్ టైన్ మెంట్ కావడంతో హోమ్లీ హీరోయిన్ కావాలనుకున్నారట. ప్రణీత అయితే ట్రెడిషన్ లుక్ లో బాగుంటుందని చివరికి డైరెక్టర్ ఈమెను ఎంచుకున్నారట. చిత్రం ఆగస్టు 10 నుంచి సెట్స్ పైకి వెళ్ళనుంది. ఓ నలభై రోజుల పాటు హైదరాబాద్ గోదావరి జిల్లాలో షూటింగ్ జరిపించేసి, ఆ తరువాత విదేశాల్లో షూటింగ్ జరిపేందుకు ప్లాన్ చేస్తున్నారు. ఈ చిత్రానికి యస్.యస్.థమన్ సంగీతం అందిస్తున్నాడు. ప్రస్తుతం ఆది 'గరం' సినిమా లో నటిస్తున్నాడు. అది పూర్తవగానే 'చుట్టాలబ్బాయి'తో ఆది బిజీ అయిపోతాడని ఫిలిం నగర్ సమాచారం.
.jpg)
