కమెడియన్స్ తో అఖిల్ సెల్ఫీ....

అఖిల్ సినిమాల్లో ఇంతవరకూ నటించకపోయినా, ఆయన యాక్టింగ్ గురించి ఏమీ తెలియకపోయినా అతనికీ ఫాన్ ఫాలోయింగ్ బాగా ఉందనేది... మనం లాస్ట్ సీన్ లో అఖిల్ కనిపించినప్పుడు ఆడియన్స్ లో కనిపించే ఉత్సాహం చెపుతుంది. ఈ అభిమానానికి  కారణం అక్కినేని అభిమానుల్లో వారసుడొస్తున్నాడన్న ఆనందం...  ఇప్పుడు అఖిల్ థాయ్‌లాండ్ లోని సముయ్ లో షూటింగ్ లో పాల్గొంటున్నాడు. అఖిల్, బ్రహ్మీ, వెన్నెల కిషోర్ తదితరులు అఖిల్ తో పాటు షూటింగ్ లో పాల్గొంటున్నారు. ఈ సందర్భంగా అఖిల్ వారితో కలిసి దిగిన సెల్పీ షేర్ చేసాడు. కామెడీ కింగ్స్ తో కలిసి పని చేయడం అమేజింగ్ ఎక్స్‌పీరియన్స్ అంటూ చెప్పుకొచ్చాడు. కొద్ది రోజుల క్రితం ఈ చిత్రం స్పెయిన్ షెడ్యూల్ పూర్తి చేసుకుంది. అక్కడ పలు కీలక యాక్షన్ సన్నివేశాలు చిత్రీకరించారు. స్పెయిన్ షెడ్యూల్‌కు సంబంధించిన మేకింగ్ వీడియో చిత్ర నిర్మాత నితిన్ తన ట్విట్టర్ ద్వారా విడుదల చేశాడు. అఖిల్ యాక్షన్ సీన్స్ లో డూప్ లేకుండా చేయడం విశేషం. అఖిల్‌ అక్కినేని, సాయేషా సైగల్‌ జంటగా నటిస్తున్న ఈ చిత్రంలో రాజేంద్రప్రసాద్‌, బ్రహ్మానందం, మహేష్‌ మంజ్రేకర్‌, వెన్నెల కిషోర్‌, సప్తగిరితోపాటు మరి కొంతమంది ప్రముఖ నటీనటులు ఇతర ముఖ్యపాత్రలు పోషిస్తున్నారు. ఈ చిత్రానికి కథ: వెలిగొండ శ్రీనివాస్, మాటలు: కోన వెంకట్, సినిమాటోగ్రఫీ: అమోల్‌రాథోడ్, ఎడిటింగ్: గౌతంరాజు, స్క్రీన్‌ప్లే, దర్శకత్వం: వి.వి.వినాయక్.