ప్రపంచ వ్యాప్తంగా భారతీయ చలన చిత్ర ఖ్యాతిని విస్తరింపజేయటంతోపాటు రజనీకాంత్ కెరీర్ లోనే బిగ్గెస్ట్ హిట్ గా నిలిచింది రోబో చిత్రం. అలాంటి చిత్రానికి సీక్వెల్ వస్తుందంటే అంచనాలు కూడా అదే రేంజ్ లో ఉంటాయి. హాలీవుడ్ హీరో అర్నాల్ట్ ష్వాజ్ నెగ్గర్ విలన్ పాత్రలో నటిస్తున్నాడనగానే చిత్రంపై అవి డబుల్ అయ్యాయి. బాహుబలి లాంటి బ్లాక్ బస్టర్ ను కొట్టే రేంజ్ లో తీయాలని శంకర్ కూడా తీవ్రంగా కసరత్తు చేస్తున్నాడు. అందుకోసం బడ్జెట్ ను కూడా భారీగానే ఖర్చుపెట్టిస్తున్నాడని సమాచారం. ఇప్పుడు రోబో 2 లో మరో అదనపు ఆకర్షణను జత చేయాలని శంకర్ భావిస్తున్నాడట.
ఈ సీక్వెల్ లో బాలీవుడ్ మెగాస్టార్ అమితాబ్ బచ్చన్ చేత ఒక కీలకమైన పాత్రను పోషించేందుకు శంకర్ రంగం సిద్ధం చేసుకున్నాడట. కథను మలుపు తిప్పే కీలక పాత్రలో బిగ్ బీ నటించబోతున్నాడని సమాచారం. శంకర్ టాలెంట్ తెలియటంతో అమితాబ్ కూడా పాత్రకు ఓకే చెప్పాడని కోలీవుడ్ లో చర్చ జరుగుతుంది. అంతర్జాతీయ గుర్తింపు కోసం భారీ రేంజ్ లో 3D టెక్నాలజీని వినియోగించనున్నాడట. వచ్చేనెలలోనే సెట్స్ పైకి వెళ్లనున్న ఈ చిత్రంపై ఇలా రోజు రోజుకీ అంచనాలు పెంచుతూ పోతున్నాడు దర్శకుడు శంకర్. అన్నట్లు ఇందులో కథానాయిక పాత్రలో బాలీవుడ్ భామ నటించనున్నట్లు తెలుస్తోంది.
.jpg)
