బిగ్ బీ టెన్షన్ పడతాడా... లేక పెడతాడా?

మీలో ఎవరు కోటీశ్వరుడుతో బుల్లితెరపై కింగ్ నాగార్జున సృష్టిస్తున్న సంచలనం అంతా ఇంతా కాదు. అయితే మొదటి సీజన్ కి వచ్చినంతా క్రేజ్ తో పోలిస్తే ఇప్పుడు కాస్త తగ్గిందనే చెప్పవచ్చు. ఇక దీనికి ఊపు తెచ్చేందుకు నాగ్ చేస్తున్న ప్రయత్నాలు అన్ని ఇన్ని కావు. దారుణంగా పడిపోయిన టీఆర్పీ రేటింగ్ ను పెంచేందుకు సినిమావాళ్లతో ఎపిసోడ్లను కానిచ్చేస్తున్నాడు. కానీ ఇఫ్పుడు ఏకంగా బాలీవుడ్ బిగ్ బీ తోనే ఓ ఎపిసోడ్ ని నిర్వహించి షోకు స్పెషల్ అట్రాక్షన్ తెచ్చాడు. హిందీలో పాపులర్ అయిన ‘కౌన్ బనేగా కరోడ్ పతి’ కార్యక్రమానికి బిగ్ బి అమితాబ్ బచ్చన్ వ్యాఖ్యాత అన్న విషయం తెలిసిందే. బాలీవుడ్ లో సినిమాలతోనే కాదు ఈ ప్రోగ్రాం ద్వారా అమితాబ్ దేశవ్యాప్తంగా ప్రేక్షకుల మదిలో చెరగని ముద్ర వేశారు. అలాగే తెలుగులో ఆ ఛాయలు కనపడకుండా తనదైన శైలిలో నాగార్జున ‘మీలో ఎవరు కోటీశ్వరుడు’ను నిర్వహిస్తున్నారు. ఇప్పుడు ఒకే వేదికపై నాగార్జున, అమితాబ్ లను చూసే అదృష్టం త్వరలో అభిమానులకు కలగనుంది. అక్కినేని పురస్కారం స్వీకరించేందుకు హైదరాబాద్ కు వచ్చిన అమితాబ్ ను ప్రత్యేకంగా ఆహ్వానించి మరీ నాగ్ ఎపిసోడ్ ను పూర్తి చేయించాడు. ఇంతవరకు తెలుగులో వెండితెరపై కనిపించని అమితాబ్ (మనంలో ఓ పదిసెకన్ల క్యారెక్టర్ కాకుండా) ఇప్పుడు ఏకంగా బుల్లితెరపై కనిపించటం విశేషం. ఎప్పుడు హాట్ సీట్ పై కూర్చునే కంటెస్టెంట్ లను తన ప్రశ్నలతో టెన్షన్ పెట్టిన అమితాబ్... ఇప్పుడు టెన్షన్ పడతారా లేక నాగ్ నే టెన్షన్ పెడతాడా. వెయిట్ అండ్ సీ ఇన్ మా టీవీ.