ఆషికీ భామ మళ్ళీ నటిస్తుందట...

ఆషికీ హీరోయిన్ అనూ అగర్వాల్ మీకు గుర్తుందా? ఈ అమ్మాయి మన తెలుగులోనూ దొంగ దొంగ చిత్రంలో హాట్ హాట్ గా కనిపించి అందరి మనసులూ దోచేసింది. ఈ అమ్మాయిని గుర్తు చేసుకోవాలంటే ‘కొంచెం నీరు... కొంచెం నిప్పుడు... ఉన్నాయి నా... కళ్ళలోన...’ అనే పాట పెదాల మీదకు వచ్చేస్తుంది. ఈ అమ్మడి మొదటి సినిమా బాలీవుడ్ ఆషికీ. ఆ తరువాత చెప్పుకోదగ్గ హిట్స్ ఏమీ రాలేదు. అయితే 1999లో ముంబాయిలో రోడ్డు ప్రమాదానికి గురై చాలా రోజుల పాటు కోమాలోనే ఉండిపోయింది అనూ అగర్వాల్. ఈ యాక్సిడెంట్ వల్ల ఆమె రూపు రేఖలు పూర్తిగా మారిపోయాయి. ఇప్పుడు ఈమె తాను మళ్ళీ నటిస్తానంటోంది. తన సోషల్ నెట్వర్క్ ద్వారా ఈ విషయాన్ని వెల్లడించింది. తను మునుపటి రూపు రేఖలతో లేదు కాబట్టి ఈమెకు ఆఫర్లు ఇస్తామంటూ ఎవరూ ముందుకు రావడం లేదు. తన ఆటో బయోగ్రఫీ ‘అనూజువల్-మెమరీ ఆఫ్ ఏ గర్ల్ హు కేమ్ బ్యాక్ ఫ్రమ్ ది డెడ్’ గురించి ప్రకటించింది. ఈ పుస్తకాన్ని వచ్చే నెలలో విడుదల చేస్తున్నారట. ఈ అమ్మాయి ఢిల్లీ యూనివర్శిటీ నుంచి సోషియాలజీలో గోల్డ్ మెడల్ అందుకుందట. ఆ తరువాత మోడలింగ్ చేసింది. మళ్ళీ నటిస్తానని చెప్పినా ఈమె కెవరూ ఛాన్స్ లు ఇస్తాననడం లేదు గానీ, అనూ అగర్వాల్ ‘ఆటో బయోగ్రఫీ’లోని విషయాల గురించి ఆ నోటా ఈ నోటా విన్న ఒక దర్శకుడు ఆమెను కలిసి ‘వేరే కథ ఎందుకు? మీ జీవిత కథనే సినిమాగా తీద్దాం’ అన్నాడట. మరి అనూ ఏమంటుందో వేచి చూడాల్సిందే.