అవికా ఆస్కార్ కు వెళుతోందా?

బాలికా వధువు అవికాగోర్ తెలుగులో సినిమాలు చేసింది గానీ ఆస్కార్ కు పంపేంత సీన్ ఏ సినిమాకూ లేదు... మరి తను నటించిన సౌత్ సినిమా మరోటి ఉందా? అంటే... ఉంది అవికా టాలీవుడ్ లోనే కాకుండా  శాండిల్ వుడ్ లో ఓ సినిమా చేసిందట... ఆ సినిమానే ఇప్పుడు ఆస్కార్ కు పంపబోతున్నారు
టాలీవుడ్ లో ఎంటర్ అవ్వడానికి అమ్మడికి చిన్నారి పెళ్ళి కూతురు బాగానే సహకరించింది. ఆ సీరియల్ ఇంకా కొనసాగుతూనే ఉంది ఈ అమ్మడు మాత్రం సైడైపోయి సౌత్ సినిమాల్లో హీరోయిన్ గా నటించేస్తోంది. ఆ మధ్య గ్లామర్ పాత్రల్లో చేయాల్సి వస్తే పవన్ హీరోయిన్ గా అయినా సరే ఒప్పుకోను అని చెప్పేసింది. అంటే అమ్మడికి బుజ్జి బుజ్జి డ్రెస్సుల్లో గ్లామరస్ గా నటించాలని లేదట. కేవలం నటనకే ఇంపార్టెన్స్ ఇస్తోంది.  ఉయ్యాల జంపాల - సినిమా చూపిస్త మావ చిత్రాల్లో అవిక నటనకు క్రిటిక్స్ నుంచి మంచి స్పందనే వచ్చింది. ఈ సినిమాలు హిట్ అవ్వడంతో దక్షిణాది సినిమాల్లో ఆఫర్లు బాగానే వస్తున్నాయి.  అలా ఓ కన్నడ చిత్రం ఫుట్ పాత్ 2 లో నటించింది. ఈ సినిమానే ఆస్కార్ కు వెళ్ళబోతోందిప్పుడు. ఈ చిత్రంలో అవికాగోర్ - ఇషా డియోల్ కీలకపాత్రల్లో నటించారు.  బాలనేరస్తుల నేపథ్యంలో తీసిన చిత్రమిది. ఈ చిత్రాన్ని జనరల్ కేటగిరీలో ఆస్కార్ ఎంట్రీకి పంపిస్తున్నారు. ఇది ఆస్కార్ కి గానీ ఎంపికయ్యిందంటే అవికాకు ఇక తిరుగులేదనే చెప్పాలి. అన్నట్టు ఈ సినిమాను తెలుగులో కూడా డబ్ చేయబోతున్నారట.