నందమూరి సింహం బాలయ్య 99వ చిత్రానికి కథ రెడీ అయినట్టు తెలుస్తోంది. బాలకృష్ణ కథ, దర్శకుల ఎంపిక లో ఆచీ తూచీ నిర్ణయాలు తీసుకుంటారని అందరూ చెప్తుంటారు. అలాంటిది తన 99 వ చిత్రానికి దర్శకుడి ఎంపికతో పాటు ఆయననే నిర్మాతగా ఉండమని చెప్పడం ఒక ప్రత్యేక వార్తగా ఫిల్మ్ నగర్లో చర్చించుకుంటున్నారు. మరి ఆ అద్రుష్టాన్ని దక్కించుకున్న దర్శకుడు ఎవరంటే శ్రీవాసు. దర్శకుడిగా ఎంపిక కావడమే కాకుండా ఆయనను నిర్మాతగా కూడా మారుస్తున్నారని తెలుస్తోంది. ఈ చిత్రానికి రచయిత కోన వెంకట్, శ్రీవాసు కలిసి పనిచేస్తున్నారని కూడా సమాచారం. శ్రీవాసు తన కూతురి పేరుమీద బ్యానర్ నెలకొల్పుతున్నారని కూడా తెలుస్తోంది. ఈ విధంగా ఈ దర్శకుడు నిర్మాణ రంగంలోకి అడుగిడబోతున్నారు. దీనికి సంబంధించిన పూర్తి సమాచారం అఫీషియల్ గా వెలువరించాల్సి ఉంది.
.jpg)
