భలే భలే మగాడివోయ్ విడుదలకు ముందే హిట్ సినిమా అని అందరూ ఊహించారు గానీ, ఇంత సూపర్ హిట్ అనుకోలేదు. రెండో పూర్తి చేసుకున్న ఈ సినిమా రెండు తెలుగు రాష్ట్రాల్లో, యుఎస్ లో భారీ కలెక్షన్లను రాబడుతోంది. ఈ చిత్రం రెండు వారాలకూ రూ 21.6 కోట్ల షేర్ రాబట్టింది. గ్రాస్ వసూళ్లు రూ 37.2 కోట్లు రాబట్టింది. మూడో వారం అయ్యేసరికి షేర్ రూ 25 కోట్లు దాటుతుందనుకుంటున్నారు. ఏరియాల వారీగా చూస్తే- తెలంగాణ (నైజాం)లో గ్రాస్ రూ.9.65 కోట్లు, షేర్ రూ.5.85 కోట్లు. రాయలసీమ (సీడెడ్)లో రూ.2.4 కోట్ల గ్రాస్ - రూ.1.53 కోట్ల షేర్ కాగా ఆంధ్రాలో రూ 9.75 కోట్ల గ్రాస్- రూ 5.82 కోట్ల షేర్. వైజాగ్ లో రూ 1.55 కోట్లు - తూర్పు గోదావరిలో రూ 91 లక్షలు - పశ్చిమ గోదావరిలో రూ.75 లక్షలు - కృష్ణాలో రూ కోటి - గుంటూరులో రూ 1.28 కోట్లు - నెల్లూరులో రూ 33 లక్షల షేర్ వచ్చింది. ఏపీ తెలంగాణ కలిపి రూ 21.8 కోట్ల గ్రాస్ రాగా, అందులో షేర్ రూ.13.2 కోట్లు.
ఈ సినిమా కర్ణాటకలోనూ కలెక్షన్లు బాగానే రాబడుతోంది. అక్కడ గ్రాస్ రూ.5.23 కోట్లు కాగా, షేర్ రూ.2.23 కోట్లు. అన్నింటికంటే ఆశ్చర్యకరమైన వసూళ్లు అమెరికాలో వచ్చాయి. ఇప్పటిదాకా అక్కడ ఈ సినిమా రూ 8.42 కోట్ల గ్రాస్ వసూలు చేసింది. షేర్ రూ 5.47 కోట్లు. మిగతా ఏరియాల్లో రూ.70 లక్షల షేర్ వచ్చింది.
.jpg)
