భారీ చిత్రాలుగా రూపొందించిన కొన్ని చిత్రాలు విడుదల తరువాత విజయం సాధించనప్పుడు అది ప్రత్యేక వార్త. ఓ మోస్తరు సినిమాగా రిలీజై సూపర్ డూపర్ హిట్ ఇస్తే... అది కూడా ప్రత్యేక వార్తే అవుతుంది. ఇప్పుడు నాని నటించిన ‘భలే భలే మగాడివోయ్’ ఈ రేంజ్ టాక్ తెచ్చుకుంది. ఇటీవల కాలంలో ఇంత చిన్న సినిమాకు ఇంతటి కలెక్షన్లు రాబట్టడమనేది జరగ లేదు. ఓ పెద్ద బడ్జెట్ సినిమా కూడా ఇంత కోట్లు రాబట్టలేక పోతోంది ఈ మధ్య కాలంలో. నానికి ఈగ తరువాత ఎవడే సుబ్రహ్మణ్యం ఒకటి హిట్ అని చెప్పాలి. ఆ తరువాత అన్నీ వరుసగా ఫ్లాప్ చిత్రాలే. ఈ చిత్రం పూర్తిగా నవ్వులు పూయించడంతో ప్రేక్షకులు కనకవర్షం కురిపిస్తున్నారు. ఓవర్సీస్ లో కూడా భారీ వసూళ్ళ ని సాధించి ఆల్టైం టాప్ టెన్ చిత్రాల్లో ఒకటిగా నిలిచిందంటే ఎంత పెద్ద విజయం సాధించిందో అర్ధం చేసుకోవచ్చు . ప్రపంచ వ్యాప్తంగా భలే భలే మగాడివోయ్ చిత్రం 46కోట్లకు పైగా వసూలు చేసింది అది కూడా కేవలం 25రోజుల్లోనే . అగ్ర హీరోల చిత్రాల జాబితాలో ఈ చిన్న చిత్రం చేరడంతో ఇండస్ట్రీ అంతా ఈ చిత్రం విజయం గురించి ఆశ్చర్యం వ్యక్తం చేస్తోంది.
.jpg)
