ఈ ప్రేమ్ ఎవరో అర్థమై పోయింది కదా... సల్మాన్ ఖాన్ అండీ... సూరజ్ భర్జత్య దర్శకత్వంలో వచ్చిన మూడు సినిమాల్లోనూ సల్మాన్ ఖాన్ పేరు ప్రేమ్. ఆయన తీసిన ‘మైనే ప్యార్ కియా’, ‘హమ్ ఆప్ హై కౌన్’, ‘హమ్ సాత్ సాత్ హై’ చిత్రాలు ఎంతటి హిట్లో అందరికీ తెలిసిన విషయమే. చక్కని ప్రేమ, కుటుంబ కథలతో పాటు ఆల్ టైమ్ హిట్ పాటలున్న సినిమాలివి. ఆ చిత్రాల్లో ప్రేమ్ (సల్మాన్)ను ఎవరు మరిచిపోగలరు. అప్పట్లో ఆ సినిమాలు చూసిన అమ్మాయిలందరికీ సల్మాన్ కలల రాకుమారుడై పోయాడంటే అతిశయోక్తి కాదు. అయితే ఈ దర్శకుడు సల్మాన్ తో మళ్ళీ ఇన్నాళ్లకు ఓ సినిమా చేశాడు. సల్మాన్ ఖాన్ మెయిన్ రోల్ లో 'ప్రేమ్ రతన్‌ ధన్‌ పాయో' చిత్రం ప్రేక్షకుల ముందుకు రాబోతోంది. ఈ చిత్రానికి సంబంధించిన ఫస్ట్‌లుక్‌ విడుదలైంది. ఈ విషయాన్ని సల్మాన్ తన ట్విట్టర్‌ లో తెలుపుతూ, ఫస్ట్ లుక్ ను షేర్ చేశాడు. అదే విధంగా ‘గుడ్ ఆఫ్టన్‌నూన్. వెల్ కమ్ సూరజ్ భర్జత్య ప్రేమ్ అగెయిన్... ఈజ్ దివాలీ ప్రేమ్ ఈజ్ బ్యాక్' అంటూ పోస్ట్ చేశారు. ఈ చిత్రం ట్రైలర్‌ను అక్టోబర్‌ 1న విడుదల చేయనున్నట్లు పేర్కొన్నారు. సల్మాన్‌తోపాటు సోనమ్ కపూర్, అనుపమ్‌ ఖేర్‌, నీల్‌ నితిన్‌ ముఖేష్‌ లు ఇతర తారాగణం. సూరజ్‌భర్జత్య దర్శకత్వంలో వస్తున్న తాజా ప్రాజెక్టులో సల్మాన్‌ఖాన్ సరసన సోనమ్ కపూర్ జోడీగా నటిస్తున్నారు. సల్మాన్ ఖాన్ నాలుగోసారి సూరజ్ భర్జత్యా కాంబినేషన్ లో చేస్తున్న 'ప్రేమ్ రతన్‌ ధన్‌ పాయో' చిత్రం ప్రేక్షకులకు వినోదాన్ని పంచేందుకు సిద్ధమైంది. ఈ సినిమా కూడా భజరంగి భాయిజాన్ లా సల్మాన్ కు మరో హిట్ అవుతుందేమో చూద్దాం...
.jpg)
