బ్రహ్మోత్సవం రిలీజ్ డేట్ మారింది

మహేష్ బాబు తదుపరి సినిమా బ్రహ్మోత్సవం షూటింగ్ శరవేగంగా జరుపుకుంటున్నట్టు వార్తలు వచ్చాయి. మహేష్ ఈ సినిమా కోసం 90 రోజులు మాత్రమే కాల్షీట్లు ఇచ్చాడని తెలిసింది. దీంతో ఈ సినిమా సంక్రాంతికి విడుదలవడం ఖాయం అనుకున్నారంతా... కానీ ఈ సినిమా ఏప్రిల్ లో విడుదల చేస్తున్నట్టు అనౌన్స్ చేశారు. సో... సంక్రాంతికి ‘బ్రహ్మోత్సవం’ విడుదల లేనట్టే. ప్రస్తుతం మహేష్ బాబు అండ్ టీం రామోజీ ఫిల్మ్ సిటీలో వేసిన ఓ స్పెషల్ సెట్లో బ్రహ్మోత్సవం షూటింగ్ చేస్తున్నారు. ఈ చిత్రం షూటింగ్ అనుకున్న సమయానికి మొదలు పెట్టక పోవడం వల్ల రెండున్నర నెలలు ఆలస్యం కావడం వలన 2016 సమ్మర్లో రిలీజ్ అవుతుందని ఈ చిత్ర ప్రొడక్షన్ టీం తెలిపింది. ఈ చిత్రం ఏప్రిల్ 7న రిలీజ్ చేయడానికి నిర్ణయించుకున్నారు. ఇప్పటికే మహేష్ బాబు ఫిబ్రవరి చివరి కల్లా షూటింగ్ పూర్తి చేయాలని డైరెక్టర్ శ్రీకాంత్ అడ్డాలకి సూచించినట్లు సమాచారం. మార్చి చివరికల్లా అన్ని పోస్ట్ ప్రొడక్షన్ కార్యక్రమాలను ఫినిష్ చేసి ఏప్రిల్ లో రిలీజ్ చెయ్యడానికి అన్ని ప్లాన్స్ ని పర్ఫెక్ట్ గా రెడీ చేస్తున్నారు. మహేష్ బాబు సరసన స్టార్ హీరోయిన్స్ అయిన సమంత, కాజల్ అగర్వాల్, ప్రణితలు నటిస్తున్నారు. వీరితో పాటు యంగ్ హీరోయిన్ అయిన చాందిని చౌదరి కూడా ఓ ముఖ్య పాత్రలో కనిపించనుంది. శ్రీ కాంత్ అడ్డాల డైరెక్ట్ చేస్తున్న ఈ ఫ్యామిలీ ఎంటర్టైనర్ ని పివిపి బ్యానర్ పై అంత్యంత భారీ బడ్జెట్ మరియు గ్రాండ్ సెట్టింగ్స్ తో నిర్మిస్తున్నారు. మిక్కీ జె మేయర్ సంగీతం అందిస్తున్నాడు.