బ్రహ్మోత్సవం ఇక షురూ...

శ్రీమంతుడు సినిమా సక్సెస్ మీట్లతో కొంత కాలంగా బిజీ బిజీగా ఉన్న మహేష్ బాబు ఇప్పుడు బ్రహ్మోత్సవం షూటింగ్ కు సిద్ధ మయ్యాడు. ఈ సినిమా శ్రీకాంత్ అడ్డాల దర్శకత్వంలో ఓ ఫామిలీ ఎంటర్ టైన్మెంట్ చిత్రంగా తెరకెక్కబోతోంది. మహేష్‌బాబు హీరోగా నటిస్తున్న చిత్రం పి.వి.పి సినిమా పతాకంపై పెరల్‌ వి.పొట్లూరి, పరమ్‌ వి.పొట్లూరి నిర్మిస్తున్నారు. ఈ చిత్రం ఈ రోజు (16.9.2105) రామోజీ ఫిల్మ్ సిటీలో మొదలు పెట్టారు. ఈ చిత్రం తమిళ, తెలుగు భాషల్లో ఒకే సారి ప్రారంభమవుతోంది. మొదటి ఐదు రోజులు ఓ ఫ్యామిలీ సాంగ్‌ను తెరకెక్కించనున్నట్లు తెలుస్తోంది. మహేష్‌తో పాటు ఈ షెడ్యూల్‌లో మిగిలిన ప్రధాన తారాగణమంతా పాల్గొననున్నారు. సమంత, కాజల్, ప్రణీత ముగ్గురు హీరోయిన్లు మహేష్ సరసన నటిస్తున్నారు.  ఈ చిత్రం కూడా సీతమ్మ వాకిట్లో సినిమాలా కుటుంబ కథా చిత్రంగా రూపొందిస్తున్నట్టు దర్శకులు తెలిపారు. ఈ సందర్భంగా ఆయన మాట్లాడుతూ 'నలుగురు ఉన్న చోట ఓ అందం, ఆనందం ఉంటాయి. అలాంటి అనేకమంది ఒక కుటుంబంలో ఉండి ప్రతి సందర్భాన్ని ఓ ఉత్సవంలా జరుపుకొంటే అదే బ్రహ్మోత్సవం. అలాంటి వాతావరణం మా సినిమాలోనూ కనిపిస్తుంది’అన్నారు.  ఈ చిత్రానికి మహేష్ బాబు 90 రోజులు కాల్షీట్లు ఇచ్చినట్టు తెలుస్తోంది. వచ్చే ఏడాది జనవరి 8న విడుదల చేయడానికి సన్నాహాలు చేస్తున్నారు ఈ చిత్ర నిర్మాతలు. ఇందులో సత్యరాజ్‌, జయసుధ, రావు రమేష్‌, ప్రకాష్‌రాజ్‌, తనికెళ్ల భరణి తదితర ప్రధాన తారాగణం నటిస్తోంది.. ఛాయాగ్రహణం: ఆర్‌.రత్నవేలు, సంగీతం: మిక్కీ జె.మేయర్‌, కూర్పు: శ్రీకర ప్రసాద్‌, కళ: తోట తరణి