బన్నీ అవార్డుల రేస్ ‘గుర్రం’

వరుసగా రెండు సక్సెస్లు అందుకున్న స్టార్ హీరో అల్లు అర్జున్ గతేడాది రేసు గుర్రరం, ఇప్పుడు సన్ ఆఫ్ సత్య మూర్తి రెండూ బ్లాక్ బస్టర్ సినిమాలే. ఇప్పుడు తెలుగు చిత్రపరిశ్రమలో స్టార్ హీరోల లిస్టులో మొదటి స్థానం అంటే అర్జున్ దే అని చెప్పుకోవచ్చు. ఆయన నటించిన రేసు గుర్రం చిత్రం బన్నీ కెరీర్ లో బిగ్గెస్ట్ హిట్ గా నిలిచింది. దాదాపు రూ.60 కోట్లకుపైగా కలెక్షన్లు సాధించి.. టాలీవుడ్ టాప్ గ్రాసెస్ సినిమాల్లో ఒకటిగా నిలిచింది. అంతేకాదు.. ఈ సినిమా అతనికి నటుడిగా ఇండస్ట్రీలోనే మంచి గుర్తింపుని తెచ్చిపెట్టింది. ఇప్పటికే ఈ చిత్రానికి గాను బెస్ట్ యాక్టర్ గా ప్రతిష్టాత్మక ఫిల్మ్ ఫేర్ అవార్డు అందుకున్న బన్నీ..ఆ తరహాలోనే మరో అరుదైన అవార్డు అతనిని వరించింది. మూవీ ఆర్టిస్ట్ అసోసియేషన్ (మా) ప్రతి ఏడాది అంగరంగ వైభవంగా సిని‘మా’ అవార్డుల ఫంక్షన్ నిర్వహిస్తున్న విషయం తెలిసిందే. శుక్రవారం రాత్రి హైదరాబాద్ లోని నోవాటెల్ లో వైభవంగా జరిగిన ఈ అవార్డు ఫంక్షన్ లో గతేడాది సినిమాల ఆధారంగా అద్భుత పెర్ఫార్మెన్స్ ప్రదర్శించిన నటీనటులకు అరుదైన అవార్డులు అందించారు. అందులో అల్లు అర్జున్ కి బెస్ట్ యాక్టర్ గా అవార్డు లభించింది. ఈ అవార్డు లభించినందుకుగాను తనకెంతో ఆనందంగా వుందని అల్లు అర్జున్ అన్నాడు. అయితే బన్నీ కి దక్కిన ఫిల్మ్ ఫేర్ అవార్డును అక్కినేని నాగార్జునకు అంకితం చేయగా, ఇప్పుడు వచ్చిన ఈ మా అవార్డును మూవీ మోఘల్ రామానాయుడుగారికి అంకితమిస్తున్నట్టు ట్విట్టర్ ద్వారా తెలియజేశాడు.