కొత్త ఐడియాల డైరెక్టర్ చేతిలో ఫామిలీ కథ!

రెండు పాటలను, రెండు ఫైట్లు, నాలుగు జోకులు అనే తరహా కాదు ఈ డైరెక్టర్ ది. చాన్నాళ్ళ తరువాత ఓ కొత్త రకం సినిమా చూశాం అనుకునేలా ఉంటాయి ఈయన  ప్రయోగాత్మకంగా తీసే చిత్రాలు. ఇలాంటి చిత్రాలు చాలా అరుదుగా వస్తుంటాయి. అలాంటి అరుదైన చిత్రాల దర్శకుడు చంద్రశేఖర్ యేలేటి. తన మొదటి సినిమా ‘ఐతే’ తోనే న్యూ ట్రెండ్ ని సెట్ చేశాడు. ఇలాంటి సినిమా ఆడుద్దా అన్న రోజుల్లోనే బాక్సాఫీస్ వద్ద హిట్ కొట్టాడు. ఆ తర్వాత చంద్రశేఖర్ తీసిన ‘అనుకోకుండా ఒక రోజు’ సినిమా కూడా అందరినీ ఆశ్చర్యంలో ముంచేసింది. ఈ సినిమాలోని పాటలు, సస్పెన్స్, కథ అందరినీ ఆకట్టుకున్నాయి. ఆ తర్వాత ప్రయాణం లాంటి రొమాంటిక్ ఎంటర్టైనర్ తీసిన చంద్రశేఖర్ యేలేటి తీసిని చివరి సినిమా ‘సాహసం’. ఈ సినిమా తర్వాత చాలా గ్యాప్ తీసుకున్నాడు చంద్రశేఖర్ యేలేటి. ఇప్పుడు ఆయన చేతిలో ఓ ఫ్యామిలీ స్టోరీ సిద్దంగా ఉందట. ఫేమస్ డిస్ట్రిబ్యూటర్, నిర్మాత అయిన సాయి కొర్రపాటి ప్రొడక్షన్ లో చంద్రశేఖర్ యేలేటి సినిమా చేయబోతున్నట్టు ఓ సమాచారం. ఇంకా టైటిల్ గానీ, నటీనటుల్ని గానీ ఎంపిక చేయలేదు. అలాగే ప్రముఖ పాత్రల కోసం సీనియర్ నటుల్ని సంప్రదించే పనిలో ఉన్నారిప్పుడు. సెప్టెంబర్ నుంచి ఈ సినిమా సెట్స్ పైకి వెళ్లనుంది.  ఈ సినిమా కాకుండా విక్టరీ వెంకటేష్ తో మరో సినిమా చెయ్యడానికి చర్చలు నడుస్తున్నట్టు కూడా తెలుస్తోంది.