అవును... మెగా అభిమానులు పండుగ జరుపుకునే రోజిది (సెప్టెంబర్ 28). ఎందుకంటే ఈ రోజు చిరంజీవి బ్రూస్ లీ సినిమా కోసం మేకప్ వేసుకుని షూటింగ్ లో పాల్గొంటున్నాడు. కొన్నేళ్ళ తరువాత తనయుడు నటించే బ్రూస్ లీ సినిమా కోసం ఆయన మళ్ళీ కెమెరే ముందుకు రాబోతున్నారు. ఈ సినిమాలో చిరంజీవి ఓ ప్రత్యేక పాత్రలో కనిపించబోతున్నాడన్న సంగతి అందరికీ తెలిసిందే. చిత్రంలో చిరంజీవి ఎంట్రీని చాలా కేర్ ఫుల్ గా చిత్రీకరించాలని శ్రీను వైట్ల చాలా కసరత్తులు చేస్తున్నట్టు తెలుస్తోంది.
ఈ చిత్ర బృందం చెపుతున్న మాటల ప్రకారం చిరంజీవి ఇంట్రడక్షన్ సీన్లో గుర్రాలు. హెలికాఫ్టర్లు భారీగా ఉపయోగిస్తున్నట్టు తెలుస్తోంది. షూటింగ్ కోసం భారీగా జనాలను సమీకరించినట్టు కూడా తెలుస్తోంది.
ఈ సినిమాలో చిరంజీవిని చూసి మెగా అభిమానులు చాలా సంతోషిస్తారని తన ట్విట్టర్ లో పేర్కొన్నాడు శ్రీను వైట్ల. ‘‘ఎప్పటినుంచో ఎదురు చూస్తున్న మెగా అభిమానుల సుదినం రానే వచ్చింది. మెగాస్టార్ చిరంజీవి గారు ఈ రోజును షూటింగ్ లో పాల్గొన బోతున్నారు. ఇలాంటి గుర్తుండిపోయే మంచి రోజును మాకు కల్పించినందుకు చిరంజీవిగారికి థాంక్స్’’ అని తన ఆనందాన్ని వ్యక్తం చేశారు డైరెక్టర్ శ్రీను వైట్ల.
.jpg)
