అతిలోక సుందరి శ్రీదేవి తెలుగు, తమిళ, హిందీ భాషా చిత్రాల్లో క్వీన్ గా వెలిగిపోయింది 80, 90ల్లో... ఎన్నో ఏళ్ళు నటనకు గుడ్ బై చెప్పి, ఇంగ్లీష్ వింగ్లీష్ సినిమాతో మళ్ళీ అందరికీ తన నటనతో కనువిందు చేసింది. ఈమెను తమ సినిమాలో చూపించుకోవాలని చాలా మంది డైరెక్టర్లు, ప్రొడ్యూసర్లు ట్రై చేస్తూనే ఉన్నారు కానీ ఆమె ఎవరికీ తన అంగీకారం తెలుపలేదు. బాహుబలి కోసం రాజమౌళి కూడా ట్రై చేసి ఆమె స్థానంలో రమ్య కృష్ణను తీసుకున్నారనే వార్తలు వినిపించాయి. చాలా ఏళ్ళ తరువాత సౌత్ లో విజయ్ పులిలో నటించేందుకు ఒప్పుకుంది. ఆ సినిమా ఇప్పుడు విడుదలకు సిద్ధ మవుతోంది.
అయితే కొత్తగా వినిపిస్తున్న మరో మాట ఏమిటంటే ఈమె నేరుగా తెలుగులో నటించేందుకు ఒప్పకుందనీ, కోన వెంకట్ ఈమెకు ఓ కథ వినిపించాడట. ఆ కథ ఆమెతో పాటు బోనీ కపూర్ కు కూడా బాగా నచ్చిందట. దీంతో ఈ సినిమాకు తన సమ్మతి తెలిపినట్టుగా వార్తలు వినిపిస్తున్నాయి. ఈ సినిమా సెట్స్ మీదకు వెళ్ళడానికి 2, 3 నెలలు పడుతున్నట్టు తెలుస్తోంది. అయితే ఈ సినిమాకు డైరెక్టర్, ప్రొడ్యూసర్ ఎవరనేది ఇంకా నిర్ణయించలేదు.
.jpg)
