ఎనర్జీ మ్యూజిక్ దర్శకుడు దేవీశ్రీ ప్రసాద్ తన పాటలతో ప్రేక్షకుల్లో లేని ఉత్సాహాన్ని తెప్పించగలడు. తన ప్రతి సినిమాలోనూ ఓ కొత్త పాటను కొత్త గళంతో వినిపించాలని చూస్తాడు. బాగా ఫేమస్ అయిన పాప్ సింగర్స్ తో కొన్ని పాటలను పాడిస్తుంటాడు. ఇప్పుడు దేవీశ్రీ ప్రసాద్ మహేష్ బాబు సినిమా కోసం తన ఫేవరైట్ సింగర్ అయిన రఘు దీక్షిత్ చేత ఓ పాట పాడించాడు. ఇండియాలో బాగా పాపులర్ అయిన ఆర్టిస్ట్ రఘు దీక్షిత్. దేవీశ్రీ రఘు దీక్షిత్ ని ‘S/O సత్యమూర్తి’ సినిమాతో తెలుగులోకి పరిచయం చేశాడు. శ్రీమంతుడు అనేది ఓ ఫ్యామిలీ ఎంటర్ టైనర్.. కానీ ఇందులో ఓ రాక్ సాంగ్ కి అవకాశం ఉండడంతో దేవీశ్రీ రఘు దీక్షిత్ చేత ఈ పాటని పాడించాడట. ఆదివారం (5 జులై) ఈ సాంగ్ కి సంబందించిన పూర్తి రికార్డింగ్ పూర్తయ్యింది. అన్ని పాటల రికార్డింగ్ పూర్తి చేసిన దేవీశ్రీ త్వరలోనే రీ రికార్డింగ్ పనులు మొదలు పెట్టనున్నాడు. శ్రీమంతుడు మ్యూజిక్ జూలై 18న రిలీజ్ కానుంది. అలాగే మూవీని మహేష్ బర్త్ డే రెండు రోజులకు ముందు అంటే ఆగష్టు 7న రిలీజ్ చేయనున్నారు. మహేష్ బాబు సరసన శృతి హాసన్ హీరోయిన్ గా నటిస్తున్న ఈ సినిమాకి కొరటాల శివ డైరెక్టర్.
.jpg)
