జూనియర్ ఎన్టీఆర్ హీరోగా ప్రముఖ నిర్మాత దిల్ రాజు మరో చిత్రాన్ని నిర్మించడానికి సిద్ధమైపోతున్నాడట. ఇప్పటికే వీరిద్దరి కాంబినేషన్లో ‘బృందావనం’, ‘రామయ్యా వస్తావయ్యా’ చిత్రాలొచ్చాయి. ఈ సినిమా శ్రీ వెంకటేశ్వర క్రియేషన్స్ బ్యానర్ పై రూపొందిస్తున్నట్టు, ఇది జనవరి నెలలో ప్రారంభించబోతున్నట్టు నిర్మాత దిల్ రాజు తెలిపారు. దర్శకులకు సంబంధించిన వివరాలేమీ తెలియజేయలేదు. కానీ గతకొద్ది రోజులుగా ప్రముఖ దర్శకుడు కొరటాల శివ దర్శకత్వంలో ఎన్టీఆర్ ఓ సినిమా చేయనున్నాడని వార్తలొస్తున్న విషయం తెలిసిందే. ఇటీవలే ఎన్టీఆర్ కు శివ ఓ స్టోరీ వినిపించాడని, ఆ స్టోరీ నచ్చడంతో శివకు ఎన్టీఆర్ గ్రీన్ సిగ్నల్ ఇచ్చేసాడని సినీవర్గాల సమాచారం.మరి ఈ ప్రాజెక్టునే దిల్ రాజు నిర్మించనున్నాడో లేక వేరే దర్శకుడితో ఎన్టీఆర్ సినిమా నిర్మిస్తాడో చూడాలి. త్వరలోనే అన్ని వివరాలు దిల్ రాజు అధికారికంగా ప్రకటించనున్నారు.
.jpg)
