పైన కనిపిస్తున్న ఈ కుర్రాన్ని ఎక్కడో చూసినట్టు కనిపిస్తుంది కదా... అవును ఇలా గిటార్ పట్టుకుని కాదు... ఒక సినిమాలో... ‘త్రిష ఇల్లానా నయనతార’ లో హీరోగా. ఈయన పేరు జి.వి.ప్రకాష్. కానీ ఒరిజినల్ గా ఇతను సంగీత దర్శకుడు. చిన్న వయసులోనే మ్యూజిక్ డైరెక్టర్ గా మంచి పేరు తెచ్చుకున్నాడు. ప్రకాష్ మొదటిసారిగా డార్లింగ్ అనే తమిళ సినిమాకు సంగీతం అందించాడు. ఆ తరువాత ఎన్నో సినిమాలకు పని చేశాడు. తెలుగులో కూడా డార్లింగ్, ఉల్లాసంగా ఉత్సాహంగా, ఎందుకంటే ప్రేమంట చిత్రాలకు మ్యూజిక్ కంపోజ్ చేశారు. అయితే ఇప్పుడు మాత్రం హీరోగా ఎంట్రీ ఇవ్వబోతున్నాడు. ఈయన నటించిన త్రిష ఇల్లానా నయనతార సినిమా తమిళ బాహుబలి థియేటర్లలో ఇంటర్వెల్ లో ప్రోమో ఇస్తున్నారు. అయితే ఈ సినిమాను తెలుగులోకి త్రిష లేదా నయనతార టైటిల్ తో డబ్ చేయబోతున్నారు. తెలుగులో స్టూడియో గ్రీన్ ప్రజెంట్ చేయబోతోంది ఈ చిత్రాన్ని. అధిక్ రవిచంద్రన్ దీనికి దర్శకత్వం వహిస్తుండగా, ఇందులో ఆనంది, మనీష యాదవ్ లు హీరోయిన్లుగా నటిస్తున్నారు. ప్రియా ఆనంద్, ఆర్య అతిథి పాత్రల్లో కనిపించబోతున్నారు.
.jpg)
