చైల్డ్ ఆర్టిస్ట్ గా ఎంట్రీ ఇచ్చి ఇప్పుడు సూపర్ స్టార్ రేంజ్ కి ఎదిగిపోయాడు ఘట్టమనేని మహేష్ బాబు. కృష్ణ వారసుడిగా ఇండస్ట్రీకి వచ్చినప్పటికీ కొందరిలా ఎక్కడా తండ్రి పేరు చెప్పుకోకుండానే ఆ స్థాయికి చేరుకున్నాడు. ఇక తన తనయుడు గౌతంను కూడా 1 నేన్నోక్కడినే చిత్రంతో తెలుగు తెరకు పరిచయం చేశాడు. సాదాసీదా పాత్రలో కాకుండా తన చిన్నతనంలోని పాత్రకే గౌతమ్ ను ఎంపిక చేసి అందరినీ ఆశ్చర్యపరిచాడు మహేష్. ఇక గౌతం కూడా తండ్రి స్టైల్లోనే హవాభావాలను ప్రకటించి మెప్పించాడు. ఇక త్వరలో సోలో హీరోగా గౌతంను తెరపై చూడబోతున్నట్లు సమాచారం.
గౌతం కృష్ణను హీరోగా పరిచయం చేస్తూ ఓ చిత్రం త్వరలో తెరకెక్కబోతుందట. మహేష్ బాబు అన్న రమేష్ బాబు నిర్మాతగా 'కృష్ణ ప్రొడక్షన్‌' బ్యానర్ పైనే దీనిని తెరకెక్కించబోతున్నట్లు సమాచారం. దీనికి ప్రముఖ సీనియర్ దర్శకుడు సింగీతం శ్రీనివాస్ కథ సమకూరుస్తుండటం విశేషం. ఓ యువ దర్శకుడిని ఈ చిత్రానికి దర్శకత్వం వహించనున్నాడంట. కోయి మిల్ గయా తరహాలో సూపర్ కిడ్ కథాంశంతో ఈ చిత్రం రూపుదిద్దుకోనున్నట్లు భోగట్టా. అంతేకాదు ఈ చిత్రంలో సూపర్ స్టార్ కృష్ణతోపాటు మహేష్ కూతురు సితార కూడా కీలకపాత్రల్లో నటించనున్నారంట. ఈ మేరకు వ్యవహారాలన్నీ మహేష్ భార్య నమత్ర దగ్గరుండి చూసుకుంటుందని తెలుస్తోంది.
.jpg)
