ఒక్కడు సినిమాతో మహేష్ కెరీర్ ను పీక్ లెవెల్ లోకి తీసుకు వెళ్ళిన గుణ శేఖర్ ఇప్పుడు రుద్రమదేవి సీక్వెల్ సినిమా ప్రతాపరుద్రుడు కు ప్లాన్ చేస్తున్నట్టు తెలుస్తోంది. తెలుగు ఇండస్ట్రీలో దర్శక, నిర్మాత గుణశేఖర్, సూపర్ స్టార్ మహేష్ బాబుకి మంచి స్నేహ సంబంధాలు ఉన్నాయని అందరికీ తెలుసు. ఒక్కడు తర్వాత వచ్చిన ‘అర్జున్’ సినిమా కమర్షియల్ గా హిట్ కాకున్నా మహేష్ బాబుకి అద్భుతమైన పేరు తెచ్చిపెట్టింది. ఒక అక్కకోసం తమ్ముడు పడే ఆవేదన ఈ చిత్రంలో అద్భుతంగా చూపించాడు గుణశేఖర్. భారీ సెట్టింగ్ తో రూపొందించిన మధుర మీనాక్షి టెంపుల్ సెట్టింగ్ గురించి అప్పట్లో అందరూ చర్చించుకున్నారు. తాజాగా గుణశేఖర్ అత్యంత ప్రతిష్టాత్మకంగా రూపొందించిన చిత్రం ‘రుద్రమదేవి’. ఈ సినిమా సెప్టెంబర్ 4 న విడుదల కాబోతుంది. గుణ శేఖర్ రుద్రమదేవి సీక్వెల్ కూడా ప్లాన్ చేయబోతు న్నాడట. రుద్రమదేవి మనువడు ప్రతాపరుద్రుడి చరిత్రతో ఈ చిత్రాన్ని రూపొందించాలని భావిస్తున్నాడట. రుద్రమదేవి మనుమడు ప్రతాప రుద్రుడు చాలా చరిత్ర కలిగిన రాజు. శౌర్య పరాక్రమాలకు ఆయన పెట్టింది పేరు. ఈయన కాలంలోనే కాకతీయ సామ్రాజ్యం కేరళ వరకు విస్తరించిందని చరిత్ర చెబుతుంది. ఇలాంటి పవర్ ఫుల్ ఇతిహాసం కలిగిన ప్రతాపరుద్రడు గా నటించాలంటే మామూలు హీరోతో కుదరని పని అందుకోసమే గుణశేఖర్ తనకు అత్యంత ఆప్తుడైన మహేష్ బాబును ఈ పాత్రకు తీసుకోవాలని అనుకుంటున్నారట. ఇదే గనుక నిజమైతే మహేష్ బాబును ఇలా ఓ రాజు పాత్రలో చూడ్డం ఇదే మొదటిది అవుతుంది. ఇలాంటి కొత్త గెటప్ లో మహేష్ ను చూడడానికి అభిమానులు ఎంతో ఎగ్జైటింగ్ గా ఎదురు చూడడం ఖాయం.
.jpg)
