మహేష్ విలన్ గా హాలీవుడ్ పెద్దాయన?

భారతీయ సినిమాల్లో హాలీవుడ్ స్టార్స్ ను ప్రవేశపెట్టాలన్న మన నిర్మాతల ప్రయత్నాలు బెడసికొట్టడం ఈమధ్య మనం చూస్తున్నాం. రోబో 2 కోసం ముందు ఆర్నాల్డ్ ను అనుకున్న శంకర్ ఆ తర్వాత ఎందుకనో ఆయన్ను తప్పించి అక్షయ్ కుమార్ తో కానిచ్చేస్తున్నాడు. మరోవైపు కబాలి కోసం జెట్ లీ తీసుకోబోతున్నారన్న వార్తలు వస్తున్నప్పటికీ అందులో ఎంత వరకు నిజం ఉందనేది ఇంకా తెలియాలి. ఇక ముచ్చటగా మరోసారి హాలీవుడ్ స్టార్ ను ఇండియన్ స్క్రీన్ పై చూపెట్టబోతున్నారనే వార్తలు గుప్పుమంటున్నాయి. అది కూడా సూపర్ స్టార్ మహేష్ బాబు సినిమాలోనే కావటం విశేషం. మహేష్ మురగదాస్ కాంబినేషన్లో తెరకెక్కే చిత్రం కోసం హాలీవుడ్ స్టార్ నటుడు హర్రీసన్ ఫోర్డ్ ను తీసుకోబోతున్నారనే సమాచారం. న్యాయ వ్యవస్థ ను ప్రశ్నించే విధంగా సందేశాత్మకంగా తెరకెక్కించబోతున్న ఈ చిత్రంలో ఈ 73 వయస్సున్న ఈ స్టార్ హీరోని విలన్ పాత్రలో నటింపజేయాలన్న ఆలోచనలో ఉన్నారట. ఈ చిత్ర నిర్మాతలు ఇప్పటికే ఆయనతో సంప్రదింపులు జరుపుతున్నట్లు తెలుస్తోంది. హర్రీసన్ ఫోర్డ్ ఇండియనా జోన్స్ సిరీస్, స్టార్ వార్ సిరీస్ చిత్రాలతో ప్రపంచవ్యాప్తంగా గుర్తింపు పొందారు. ఒకవేళ ఈ వార్త గనక అదే నిజమైతే ఈ సినిమాపై అంచనాలు ఒక రేంజ్ లో పెరిగిపోవడం ఖాయమని చెప్పొచ్చు. అయితే మిగతా వాళ్లలాగానే హర్రీసన్ కూడా డ్రాప్ అవుతాడా? లేక వారు ఆఫర్ చేస్తున్న పెద్ద మొత్తానికి ఒప్పుకుని నటించేందుకు ఓకే చెబుతాడా అన్నది సస్పెన్స్.