ఏదో ఓ కొత్త ట్రెండ్ తో సెన్సేషన్ క్రియేట్ చేస్తూ ఉంటారు సినీ పరిశ్రమలో. ఇటీవల అమీర్ పీకే సినిమా ప్రపంచం మొత్తం ఓ సెన్సేషన్ క్రియేట్ చేసిన సంగతి తెలిసిందే. ముఖ్యంగా ఇందులో అమీర్ ఖాన్ వంటిమీద నూలు పోగు లేకుండా నటించడం ఓ పెద్ద సంచలనమే అయ్యింది. అయితే ఇప్పుడు ఇదే బాటలో హృతిక్ రోషన్ కూడా కనిపించబోతున్నాడట. ఈ కండల వీరుణ్ణి టాప్ లెస్ గా చాలా సినిమాల్లో చూశారు ప్రేక్షకులు. ఇప్పుడు అశుతోష్ గోవారికర్ రూపొందిస్తున్న ‘మొహంజదారో’ సినిమాలో హృతిక్ నగ్నంగా నటించడానికి ఒకే చెప్పేశాడట. పీకే చిత్రంలో టేప్ రికార్డర్ అడ్డం పెట్టుకుంటాడు అమీర్ ఖాన్. ఈ కథలో అలాంటివి ఉండవు కదా? ఈ కండల వీరుడు అడ్డంగా ఏం పెట్టుకుంటాడో మరి? ప్రాచీన సింధు నాగరికత నేపథ్యంలో ఈ కథ ఉండడంతో నగ్నంగా నటించడానికి ఒప్పుకున్నాడట హృతిక్. జనవరిలో ఈ షూటింగ్ ను గుజరాత్ లో ప్రారంభించారు. 2008లో జోధా అక్బర్ లో నటించిన హృతిక్ గోవార్కర్ తో ఇది రెండో సినిమా అవుతుంది. ఓ అడ్వంచర్ లవ్ స్టోరీగా నడిచే ఈ సినిమాలో హృతిక్ సరసన హీరోయిన్ గా పూజా హెగ్డే నటిస్తోంది.
.jpg)
