ఈ కామెడీ సక్సెస్ షో ముగుస్తుందా?

రెండున్నరేళ్ళుగా బుల్లితెర ప్రేక్షకులకు నవ్వులు పంచుతున్న షో జబర్దస్త్. ఈ షో ఎంతో మంది టాలెంటెడ్ నటులను ఆడియన్స్ కు పరిచయం చేసింది. వీరి టాలెంట్ చూస్తుంటే ఆశ్చర్యం కలుగుతుంది. ఇందులో నటులే కాదు రైటర్లు, డైరెక్టర్లు, డాన్సర్లు, మిమిక్రీ చేయగలిగిన వాళ్ళు ఆల్ ఇన్ వన్ లాంటి గొప్ప నటులు వీళ్ళు. అందుకే ఈ షో ఇంత ప్రజాదరణ పొందింది. ఈ షోలో ఇద్దరు హాట్ హాట్ యాంకర్లు పరిచయం అయ్యారు వారే అనసూయ, రేష్మి.  ఈ షోను మొదట ఈటీవీ లో ఫిబ్రవరి 7, 2013 న ప్రారంభించారు. ఈ కార్యక్రమంలో న్యాయనిర్ణేతలుగా ప్రముఖ తెలుగు సినిమా నటులు  నాగేంద్రబాబు, రోజాలు నిర్వహిస్తున్నారు.  ఈ ప్రోగ్రామ్ ప్రారంభం అయిన కొద్ది రోజుల్లోనే ప్రేక్షకుల మనసును దోచేసింది. ఇందులో వచ్చిన యాంకర్స్ కి, ఆర్టిస్టులకు విపరీతమైన క్రేజ్ వచ్చింది. టాలెంట్ ఉన్న నటులను సినిమా వాళ్ళు లాక్కోవటం పరిపాటే కదా. అందుకే వీరందరికీ సినిమా అవకాశాలు రావడంతో షో చేయడానికి సమయం దొరకడం లేదట. ఇందులో నటించే టీమ్ లీడర్లు వేణు, శకలక శంకర్, ధనరాజ్, రాఘవ, రఘు, చంటి లాంటి వారు సినిమాల్లో చాలా బిజీ అయ్యారు. ఇక కొంత మంది టీం లీడర్స్ అయితే నిర్మాతలు గా కూడా మారారు. దీంతొ వారికి ఈ ప్రోగ్రామ్ లో చేసే సమయం చిక్కడం లేదు. ఇక జబర్దస్త్ కు వాళ్ళు గుడ్ బై చెప్పినట్టే అనుకుంటున్నారు ఫిల్మ్ నగర్ లో. ఒకవేల ఇదే జరిగితే ఈ షోకి మళ్ళీ కొత్తవారిని తీసుకు రావాలా? లేక కొత్త వారితో కంటిన్యూ చేయాలా? అని షో టీం ఆలోచిస్తోందట.  ఇక ఇందులో నటించే యాంకర్స్ పరిస్థితి కూడా అలాగే ఉంది. ముందుగా వచ్చిన అనసూయ పక్కకు తప్పుకుంది, ఇప్పుడున్న రేష్మీ కూడా సినిమాల్లో నటిస్తుండడంతో ఈమె కూడా తప్పుకోవచ్చనే టాక్ వినిపిస్తోంది. ఏం జరగనున్నదో వేచి చూడాల్సిందే.