కొందరు తారలు ఈ మధ్య కాలంలో దేశం ఎటుపోతోందోనన్న ఆందోళనతో అవేర్ నెస్ కల్పించే ప్రయత్నం చేస్తున్నారనిపిస్తుంది. మంచి పనుల కోసం ఎవరో ఒకరు పూనుకుంటే కొన్నాళ్ళకైనా మార్పు వస్తుందేమో చూడాలి. ఓ ప్రముఖ ఆంగ్ల దినపత్రిక కవర్ పేజీపై వచ్చిన యాడ్ గురించి బాలీవుడ్ సీనియర్ నటి జుహి చావ్లా తీవ్ర ఆగ్రహం వ్యక్తం చేసింది. ఓ మోడల్ షవర్ కింద బికినీ వేసుకుని స్నానం చేస్తున్న ఫొటోను ప్రచురించింది ఆ దిన పత్రిక. ఒక ప్రముఖ పత్రిక ఇలా ఫ్రంట్ పేజీలో ఇంత చెత్త ఫోటో ఇవ్వడమేమిటి అని కస్సు మంది జుహీ. దేశం ఎక్కడికి పోతోంది... ఎక్కడ చూసినా డబ్బేనా..? అంటూ ట్వీట్ చేసింది. అంతటితో ఆగలేదు, ‘మార్పు మనతోనే మొదలు కావా’లని మహాత్మా గాంధీ చెప్పిన మాటను తాను చేసి చూపించింది. టైమ్స్ అఫ్ ఇండియా సబ్ స్క్రిప్ షన్ ను ఆమె కాన్సిల్ చేసుకున్నట్టు తెలిపింది. ఈ విమర్శలను ఆ మోడల్ చాలా తేలిగ్గా తీసిపారేసింది. నా యాడ్ గురించి ఒకరికి అంత సంతోషం లేనట్లుంది అంటూ ట్విట్టర్‌లో బదులిచ్చింది. అంతటితో ఆగక అభిమానులు నన్ను చాలా అందంగా ఉన్నావని మెచ్చుకుంటున్నారని కూడా అంది. దీంతో జూహీ ఎలా స్పందించిందో గానీ, జూహీలా ఆలోచించే కొందరికి మాత్రం ఒళ్ళుమండడం ఖాయం.
.jpg)
