లక్ష్మీరాయ్ ‘సర్దార్’ తో కెవ్వు కేక...

పవన్ కళ్యాన్ గబ్బర్ సింగ్ పాట ఎంత హిట్టయ్యిందంటే... ఇప్పటికీ సినిమా ఫంక్షన్లలోనూ...మామూలు జనాలు కూడా ఆ పాటతో చిందులేస్తున్నారు. అంత పాపులర్ చేశారు ఈ పాటను పవన్-మలైకా అరోరా. ఈ పాట ఇచ్చిన ఊపుతో ఐటమ్ భామలకు గిరాకీ కూడా బాగా పెరిగింది. హీరోయిన్లు కూడా సినిమాలకు ఓ ఐటమ్ సాంగ్ చేసి, మొత్తం సినిమా కష్టాన్నంతా ఒక్క పాటతోనే రాబట్టుకుంటున్నారు. అయితే పవర్ స్టార్ పుట్టిన రోజున సర్దార్ గబ్బర్ సింగ్ సినిమాకి సంబంధించిన న్యూస్ లో ఈ ఐటమ్ భామ న్యూస్ కూడా బయటికి వచ్చింది.  పవన్ తో ఓ ఐటమ్ సాంగ్ చేస్తున్నట్టు లక్ష్మీ రాయ్ స్వయంగా చెప్పుకుంది... పవన్ తో కలిసి మొదటి సారి డ్యాన్స్ చేయడం చాలా ఆనందంగా ఉందంటూ మురిసిపోతోంది లక్ష్మీ రాయ్. అంతే కాదు తెలుగు ప్రేక్షకులకు ఈ పాటతో ట్రీట్ ఇస్తానంటోంది. లక్ష్మీరాయ్ కొన్ని సినిమాల్లో నటించినప్పటికీ  అవి చిన్న సినిమాలు కావడం, పెద్ద హిట్లు కూడా రాకపోవడంతో టాలీవుడ్ లో ఆమెకు అంత  బ్రేక్ రాలేదు. కానీ ఇప్పుడు ఏకంగా పవర్ స్టార్ పక్కన ఛాన్స్ అంటే ఆమె ఉబ్బి తబ్బిబ్బయిపోతోంది.  పవన్ తో ఐటమ్ సాంగ్ అంటే మలైకా అరోరా గుర్తు రావాల్సిందే... ఈ పాట అంతకు మించి ఉంటేనే... మళ్ళీ కొన్నాళ్ళ పాటు మార్మోగి పోతుంది ఇప్పుడు లక్ష్మీరాయ్ పాట. ఇక ఈ ఐటెం సాంగుకూ డిఎస్పీ మ్యూజిక్ ఇచ్చేస్తున్నాడు. దేవీశ్రీ మళ్ళీ అదరగొట్టే ఐటమ్ సాంగ్ ఇస్తే స్టెప్పులేయడానికి లక్ష్మీరాయ్ అంత కష్టపడాల్సిన పనేలేదు. అసలే డాన్స్ మాస్టర్ లారెన్స్ తో చిందులేసిన అమ్మడు... అందులో పక్కన పవర్ స్టార్ ఉంటే...కెవ్వు కేకే...!