బాహుబలి సినిమాకు పోటీ కాకూడదని మహేష్ బాబు శ్రీమంతుడు సినిమాను పోస్ట్ పోన్ చేసుకున్న విషయం తెలిసిందే. అయితే మహేష్ అభిమానులు మాత్రం ఒకింత నిరాశకు గురయ్యారు. తమ అభిమాని సినిమా కోసం చాలా ఎదురుచూసి, పోస్ట్ పోన్ కావడంతో నిరాశకు గురయ్యారు. ఇప్పుడు మళ్ళీ ఆ సినిమా కోసం ఆతృతగా ఎదురు చూస్తున్నారు. ఇంతకూ ఈ సినిమా పోస్ట్ ప్రొడక్షన్ కార్యక్రమాల ఆలస్యం వల్ల వాయిదా పడిందని తెలుస్తోంది. ఒక వేళ అయిపోయినా విడుదల చేసే వాళ్ళు కాదేమో... ఇప్పటికే విడుదలైన ఫస్ట్ లుక్ పోస్టర్, టీజర్ కు భారీ రెస్పాన్స్ వచ్చింది. అయితే తాజాగా ‘శ్రీమంతుడు’ చిత్రంలోని మహేష్ కు సంబంధించిన మరో పోస్టర్ ను విడుదల చేసారు. ఇందులో మహేష్ చాలా స్టైలిష్ గా కనిపిస్తున్నాడు. ఈరోజుతో మళ్లీ మహేష్ తన హవాను ప్రారంభించేసాడు. కొరటాల శివ దర్శకత్వంలో తెరకెక్కుతున్న ఈ చిత్రాన్ని మైత్రి మూవీ మేకర్స్ సంస్థ ప్రతిష్టాత్మకంగా నిర్మిస్తుంది. మహేష్ సరసన శృతిహాసన్ తొలిసారిగా హీరోయిన్ గా నటిస్తుంది. యువ సంగీత దర్శకుడు దేవిశ్రీప్రసాద్ సంగీతం అందిస్తున్న ఈ చిత్ర ఆడియోను ఈ నెల 18న గ్రాండ్ గా విడుదల చేయనున్న విషయం తెలిసిందే. అయితే ఈ ఆడియో వేడుకను హైదరాబాద్ లోని శిల్పకళావేదికలో ఘనంగా జరుపనున్నారు. ఇదే రోజున చిత్ర థియేటర్ ట్రైలర్ ను కూడా విడుదల చేయనున్నారు.
ఇందులో జగపతి బాబు, సుకన్య, రాహుల్ రవీంద్రన్ తదితరులు ముఖ్య పాత్రల్లో నటిస్తున్నారు. ఈ చిత్రాన్ని ఆగష్టు 7వ తేదిన ప్రపంచ వ్యాప్తంగా భారీ ఎత్తున విడుదల చేయనున్న విషయం అందరికీ తెలిసిందే.
.jpg)
