గ్రీన్ సిగ్నల్ కోసం మారుతి వెయిటింగ్...

పెద్ద స్టార్లతోనూ, పెద్ద డైరెక్టర్లతోనూ పని చేయాలని ప్రతి వారూ కోరుకుంటారు సినిమా ఇండస్ట్రీలో ఇప్పటి వరకూ చిన్న తారలతో ఎన్నో సినిమాలు తీసి సక్సెస్ చేసిన ఈ డైరోక్టర్ కు స్టార్ హీరోలతో పనిచేయాలని ఉందట. డైరెక్టర్ మారుతికి ‘భలే భలే మగాడివోయ్’ సినిమాతో ఒకేసారిగా తన రేంజ్ బాగా పెరిగిపోయింది. అయితే ఓ కార్యక్రమంలో ఈ డైరెక్టర్ తన మనసులోని కోరికను బయట పెట్టాడట.  పవన్ కళ్యాణ్, మహేష్ బాబులకు తన దగ్గర స్క్రిప్టులు రెడీగా ఉన్నాయంటున్నాడు.  భలే భలే మగాడివోయ్ చిత్రం ఓవర్సీస్ లో సొంతంగా విడుదల చేసుకున్న ఈ డైరెక్టర్ ఇప్పుడు మాంచి జోరుమీదున్నాడు. ఇప్పటి వరకూ మారుతి తీసిన సినిమాలన్నీ డిఫరెంట్ మూవీసే. అడల్ట్ కంటెంట్ తో తక్కువ బడ్జెట్ తో 'ఈరోజుల్లో' తొలి మూవీ తీసి సన్సేషనల్ హిట్ చేశాడు. తర్వాత వచ్చిన 'బస్టాప్' సినిమా కూడా ఓకే చేశాడు. 'ప్రేమకథా చిత్రమ్' వంటి హారర్ కామెడీని సృష్టించి సరికొత్త ట్రెండ్ క్రియేట్ చేశాడు.  ఇప్పుడు పెద్ద హీరోలతో స్క్రిప్టులు రెడీగా ఉన్నాయంటున్నాడు. రెండు చిత్రాలతో సక్సెస్ కొట్టిన యంగ్ డైరెక్టర్ తో సూపర్ స్టార్ కబాలి చిత్రానికి రెడీ అయిపోయాడు. ఎన్నో హిట్స్ ఇచ్చి, ఇప్పుడు భలె భలే మగాడివోయ్ తో పెద్ద హిట్ కొట్టిన మారుతి మంచి స్క్రిప్టు ఉందంటే ఈ స్టార్ హీరోలు ఇప్పుడు కాకపోయినా... తరువాతయినా గ్రీన్ సిగ్నల్ ఇవ్వకపోతారా?