కత్తి డైరెక్టర్ తో ఎన్టీఆర్...

తమిళ్ డైరెక్టర్ కం ప్రొడ్యూసర్ మురుగదాస్ ఎన్టీఆర్ తో ఓ సినిమాను రెడీ అవుతున్న వార్తలు వినిపిస్తున్నాయి.  తమిళ హీరో విజయ్ తో 2014లో ‘కత్తి’ సినిమా తీసి బ్లాక్ బస్టర్ హిట్ ఇచ్చిన మురుగదాస్ ప్రస్తుతం బాలీవుడ్ లో "అకీర" అనే సినిమాను సోనాక్షి తో చేస్తున్నాడు. ఇది హీరోయిన్ ఓరియంటెడ్ మూవీ... ఇందులో సోనాక్షిని అక్రమాలపై తిరగబడే వనితగా చూపించబోతున్నాడు. ఇక తమిళ్ లో విక్రమ్ హీరోగా "10 ఎన్రాదు కుల్ల" మూవీ నిర్మిస్తున్నాడు. తన తరువాతి ప్రాజెక్ట్ గా ఓ ద్విభాషాచిత్రం ప్లాన్ చేసాడని వార్తలు వినిపిస్తున్నాయి. అయితే తెలుగులో స్టోరీ, స్క్రీన్ ప్లే, కో ప్రొడ్యూసర్ గా దాస్ వ్యవహరించే ఈ సినిమాకు...  దాస్ శిష్యుడు గోపీచంద్ మలినేని డైరెక్ట్ చేస్తాడని ఫిల్మ్ నగర్ లో అనుకుంటున్నారు.  తెలుగులో దిల్ రాజు నిర్మించే ఈ ప్రాజెక్ట్ కు ఇంతకుముందే చర్చలు జరిగినట్టు తెలుస్తోంది. అయితే ఈ చిత్రానికి హీరోగా ఎన్టీఆర్ ను అనుకుంటున్నట్టుగా సమాచారం. కత్తి సినిమాను కూడా ఓ నిర్మాత తెలుగులో చేసేందుకు సిద్ధపడినా ఆ ప్రయత్నం ఫలించలేదట. స్టాలిన్ తర్వాత తెలుగులో మహేష్  తో ఓ సినిమా చేస్తున్నట్టు వార్తలు వినిపించాయి గానీ... అలాంటి ఛాయలేవీ ఆ తరువాత కనిపించలేదు.  మరి ఇప్పటి ఈ సినిమా ప్లానింగ్ ఏం కానున్నదో ఎదురు చూడాల్సిందే. ఇదే గనుక నిజమయితే .... సుకుమార్ "నాన్నకు ప్రేమతో " తర్వాత ఎన్టీఆర్ నటించే మూవీ ఇదే నని టాలీవుడ్ వర్గాలు అంటున్నాయి. అప్పుడు కొరటాల శివ - ఎన్టీఆర్ తో చేసే సినిమా కు మరి కొంత సమయం పట్టవచ్చు.